​(VÍDEOS) As espectaculares manobras duns cazas que deixaron sorprendidos a veciños e turistas na Coruña

Unhas manobras militares das forzas aéreas deixaron asombrados a todos os que se atopaban onte na Coruña e, máis concretamente, preto da Torre de Hércules.

Moitos dos que presenciaron as acrobacias rexistraron o momento cos seus teléfonos, xa que nalgunhas das manobras os avións pasan realmente preto do monumento coruñés.

A velocidade e especialmente o ruído que producen os cazas F-18 sobresaltou onte a máis dun que, ao levantar a vista ao ceo, quedou cegado por habilidade dos pilotos, que realizaron voos a baixa altura.

Ante a inquietude dos veciños o propio aeroporto herculino saíu ao paso das especulacións e confirmou que, aínda que ver ás aeronaves tan preto da cidade é moi pouco habitual, só tratábase dunhas prácticas.