Detectan un novo brote en Galicia de orixe familiar e que afecta a unha decena de persoas no Saviñao

Un brote de orixe familiar suma 10 positivos por coronavirus no concello do Saviñao (Lugo), informaron este sábado fontes sanitarias.

O primeiro dos positivos coñeceuse este venres e, ao rastrexarse e facerse probas aos contactos estreitos, detectáronse hoxe outros nove casos en persoas con lazos familiares.

As mesmas fontes indicaron que todos os afectados están en corentena no seu domicilio, segundo marca o protocolo.