Renato Tapia convértese na primeira pedra do novo proxecto do Celta
Unha vez lograda a salvación, na Sede non quixeron perder máis o tempo e puxéronse ao choio coa contratación do internacional peruano.
Unha vez lograda a salvación, na Sede non quixeron perder máis o tempo e puxéronse ao choio coa contratación do internacional peruano.
Non hai escusas nin tempo que perder. A pésima tempada do Celta de Vigo xa é cousa do pasado e en Balaídos xa só hai sitio para pensar na próxima campaña. Por iso, e unha vez que ratificaron a Óscar García como o técnico desta nova etapa, o Celta anuncia a súa primeira fichaxe para a tempada 20/21: Renato Tapia.
O peruano era un vello anhelo do Celta de Vigo, que consegue coa contratación do centrocampista un reforzo de luxo á medular do cadro celtiña. Ademais, supón un negocio redondo, xa que o internacional arriba á ría de Vigo a custo cero despois de terminar o seu contrato co Feyenoord holandés.
Con 24 anos Tapia é un verdadeiro comodín para o técnico do Celta, xa que pode actuar como xogador, de corte, a súa posición natural, como de central, grazas á súa poderío físico e o seu 1,85m. O peruano leva xa moitos anos en Europa e nun fútbol de xogo rápido como o da Eredivisie, polo que non debería ter problemas en encaixar na proposta de Óscar García. Ademais, non ocupa praza de extracomunitario ao ter pasaporte dos Países Baixos.
Escribe o teu comentario