Tres PCR positivas cifran en nove o número de persoas contaxiadas por coronavirus en Betanzos
Os casos positivos de COVID-19 en Betanzos (A Coruña) elévanse a nove --catro deles nunha mesma familia--, tras detectarse outros tres novos nas probas realizadas nas últimas horas.
As probas realizadas nas últimas horas ás persoas sospeitosas de haber contraido a enfermidade arroxan tres novos positivos, que se suman ao seis xa confirmados.
A pesar de que onte desde o SERGAS resistíanse a falar de "brote", os datos das últimas horas, con case unha decena de afectados -catro deles membros da mesma familia-, poden levarnos a pensar que nas próximas horas esa cifra podería aumentar. Os primeiros casos positivos están relacionados cunhas persoas das localidade que acababan de chegar de Lleida, que sofre un forte brote de COVID-19.
Así o confirmaron a Europa Press fontes sanitarias, que sinalaron que entre este mércores e xoves realizáronse 75 probas de entre as que se detectaron tres novos positivos.
En concreto, trátase de catro casos nunha familia, aos que se suman dous sen vínculo familiar pero que tiveron relación e outros tres tamén como os dous anteriores.
Por parte da área sanitaria da Coruña e Cee aseguraron a Europa Press que, por mor dos casos detectados en Betanzos, séguense cos rastreos e estudos de contactos de persoas relacionadas.
Escribe o teu comentario