O coronavirus non contribúe a disparar a abstención e rexístrase a maior participación desde 2009

|

As provincias máis urbanas, A Coruña e Pontevedra, onde a esquerda adoita sacar os seus mellores, resultados foron as que menos acudiron aos colexios electorais


A abstención nas eleccións galegas deste domingo elevouse ao 41,12 por cento, a máis alta dos últimos anos, se comparamos a cifra cos niveis de abstención (sen contar o voto de residentes no estranxeiro) doutras convocatorias autonómicas.





Así, nunha xornada marcada polas altas temperaturas e polas medidas de seguridade sanitaria para evitar posibles contagios de coronavirus, depositaron a súa papeleta 1.315.153 galegos (co 99,96 por cento do voto escrutado), o que supón unha participación do 58,88 por cento. Con todo, hai que ter en conta que, nesta cifra, non se contabiliza o voto do Censo de Residentes Ausentes (CERA) que, habitualmente, fai descender máis a porcentaxe definitiva de participación.

Teniendo en cuenta esta circunstancia e comparando os datos coa participación noutras citas electorais autonómicas (sen contabilizar o voto emigrante), a porcentaxe de galegos que votaron é o máis baixo de, polo menos, os últimos 23 anos.


O INTERIOR VOTOU MÁIS QUE A COSTA

Por provincias, a participación máis alta deste 12 de xullo rexistrouse na provincia de Ourense, un 60,79% (39,21% de abstención); seguida pola de Lugo, cun 59,97% (40,03% de abstención); a provincia de Pontevedra, cunha participación do 58,95% (41,04% de abstención); e, finalmente, A Coruña, cunha participación do 57,97% (41,03% de abstención).

Con respecto aos votos nulos e votos en branco, rexistráronse en Galicia 12.549 votos nulos (o 0,95%), e 11.722 votos en branco (o 0,90%). Nos comicios autonómicos de 2016, tras o reconto definitivo de todos os sufraxios, o número de votos nulos foi de 14.544 (un 1%) e o de votos en branco foi de 14.037 (un 0,98%).

EVOLUCIÓN DA ABSTENCIÓN
En 1997, o reconto da noite electoral arroxaba unha abstención do 33,7 por cento; en 2001, a abstención foi do 35,8 por cento; na cita de 2005, foi do 32,5 por cento; en 2009, a abstención foi a máis baixa das eleccións autonómicas galegas, dun 29,54 por cento; en 2012, subiu ao 36,2 por cento; e en 2016, a abstención foi do 36,25 por cento. Todas estas cifras correspóndense con cómputo provisional, sen o voto do CERA).

Na historia da autonomía, a maior abstención (con datos de escrutinio definitivos) produciuse nas primeiras eleccións ao Parlamento galego, en 1981, cun 53,7 por cento; mentres que a menor abstención rexistrouse en 2009 (un 35,57 por cento, contando o voto CERA).

Estas son as cifras definitivas de participación --xa contabilizado o escrutinio do voto emigrante--, nos comicios autonómicos anteriores:


+ XI Lexislatura (2019 provisional):  58,88 por cento (Abstención, 41,12%)

+ X Lexislatura (2016): 53,63 por cento (Abstención, 46,37%)
+ IX Lexislatura (2012) : 54,91 por cento (Abstención, 45,09%)
+ VIII Lexislatura (2009): 64,43 por cento (Abstención, 35,57%)
+ VII Lexislatura (2005): 64,21 por cento (Abstención, 35,79%)
+ VI Lexislatura (2001): 60,17 por cento (Abstención, 39,83%)
+ V Lexislatura (1997): 62,52 por cento (Abstención, 37,48%)
+ IV Lexislatura (1993): 64,13 por cento (Abstención 35,87%)
+ III Lexislatura (1989): 59,51 por cento (Abstención, 40,49%)
+ II Lexislatura (1985): 56,33 por cento (Abstención, 43,67%)
+ I Lexislatura (1981): 46,22 por cento (Abstención, 53,78%)


Evolucion de particípaa




Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE