Incendio forestal preto do hospital en Santiago e outro lume en Quiroga (vídeos)
Dous incendios forestais atópanse activos nos municipios de Santiago de Compostela e Quiroga (Lugo) este venres, nunha xornada na que existe un alto risco de incendio (IRDI) en boa parte de Galicia.
O lume de Compostela empezou á primeira hora da tarde e, aínda que está "moi preto das casas e do CHUS", segundo testemuñas presenciais, a Xunta indica que "non hai perigo" para os inmobles. Nin o da capital nin o de Valdeorras están por agora controlados.
A fumareda era claramente visible desde a estrada de Vidán / E. P. H.
No caso da capital de Galicia, o lume estaba nunha zona próxima ao hospital Clínico, na parroquia de San Paio.
Nas tarefas de extinción traballan unha avioneta , catro helicópteros, sete brigadas, catro motobombas e un axente.
VALDEORRAS
Pola súa banda, o lume en Quiroga declarouse ás 17,16 na parroquia de Vilar de Lor. Traballan dous helicópteros, un avión, oito brigadas, catro motobombas e dous axentes.
Escribe o teu comentario