ÚLTIMA HORA: O rebrote da Mariña repunta con 23 novos positivos nun día e o alcalde de Ribadeo advirte dunha "carnicería"

|

Na Mariña apareceron 23 novos casos de coronavirus desde a mañá de onte. Así llo comunicou o SERGAS aos alcaldes da zona, segundo indicou o edil de Ribadeo a Galiciapress.


Ata hoxe, normalmente a Xunta enviaba os datos do rebrote da Mariña sobre as 12 horas. O Goberno non os mandou hoxe ata pasadas as 15:15. Finalmente, a cifra da Xunta coincide coa do edil de Ribadeo, 23 contaxiados máis.


NA PROVINCIA 15 CASOS MÁIS

O SERGAS iso si enviou antes o número de casos activos na provincia. Son 15 máis que onte, pero iso non deixa saber cuantos contagios máis hai na Mariña..




O alcalde de Ribadeo Fernando Suárez mostrouse moi molesto coa Xunta. O político nacionalista advertiu que a Xunta está a ocultar información e podería causar unha "carnicería" se non toma medidas como cancelar as eleccións do domingo.


MANIFESTO DE ALCALDE CONTRAS As ELECCIÓNS O DOMINGO

De feito, segundo este político, edís do PSOE e do BNG están a se xuntar agora mesmo para asinar un manifesto no que a maioría de alcaldes da comarca piden a cancelación das eleccións.


Así as cousas, ao ratificar a nota de prensa do SERGAS as cifras adiantadas polo alcalde, o brote de A Mariña dista moito de estar controlado.


De feito, o aumento de 23 casos é o segundo maior desde que empezou o rebrote. Serían xa 144 os casos activos na Mariña. A cifra de 23 supón un gran salto respecto onte, cando só comunicáronse 2 casos na zona.





No resto da provincia, habería 22 casos activos, 8 menos que onte, produto loxicamente de altas de contagios anteriores.


CUANTOS HAI EN CADA LUGAR DA MARIÑA?

O alcalde de Ribadeo di que na súa vila onte dixéronlle que había dous casos activos. Hoxe di que o SERGAS, na reunión diaria, non lle deu ningún dato.


“Eu só sei os datos meus, do meu concello, de onte, cando había dous. Pero hoxe non se se hai dous se 25. Isto segue subindo, non dan información e estannos ocultando información e ademais ás preguntas reiteradas solicitando que nos digan canta xente hai confinada, porque hai dous días dixéronnos 1.100. Onte preguntamos, puxéronse nerviosos e houbo unha discusión, e quedaron en parcializarlos, volvemos insistir coa pregunta, o xerente do SERGAS empezou a balbucear e ao final dixéronnos que xa nolo mandarían a cada goberno”. “Isto é abominable”, conclúe.


4pSLe rebrote de coronavirus na mari a e provincia de lugo




O rexedor de Ribadeo comentou para Galiciapress que nesta xornada recibiu “os datos do SERGAS de onte” e que aínda non teñen os datos deste mércores. “Pedímolos varias veces e non nolos mandou ata hai 15 minutos”, lamenta o alcalde.


O 7% DAS PROBAS ESTÁN a DAR POSITIVO

“Isto é unha vergoña. O que está a pasar aquí, coa cobertura que lle están dando algúns medios a isto… vai ser unha desgraza. Din que hai 144 casos, o que supón que son 23 máis que o día anterior (segundo as cifras remitidas ao Goberno de Ribadeo). Din que os PCR feitos onte foi o número máis alto realizado desde finais de xuño e foron 273 e destes 19 deron positivo”, informa o alcalde, á vez que sostén que esta cifra é unha porcentaxe “tremendamente alta”.


“Desas 1.000 persoas en corentena, que son as mesmas que van poder ir votar ir ao domingo, 19 deron positivo. A min negáronlleme os datos globais, porque llo pedín expresamente”, lamenta. Nesa liña, Suárez indica que desde o SERGAS van a “parcializar” a información e que a cada concello van dar as súas cifras de forma individualizada.


“Pedimos expresamente, como mostra de transparencia, que nos desen a relación de casos de cada concello, algo ao que se negou expresamente afirmando que é algo que ‘non beneficia absolutamente nada para a epidemia da que estamos a falar’ e que se queremos os datos que nolo preguntemos entre os alcaldes. Isto é unha ditadura absoluta”, censura o rexedor nacionalista.


“Agora imos asinar varios alcaldes, tanto socialistas como do BNG, un documento solicitando o aprazamento das eleccións”.



“Como pase algo este domingo van ter un cargo de crimen de lesa humanidade”, recalca o alcalde.


“Agora imos asinar varios alcaldes, tanto socialistas como do BNG, un documento solicitando o aprazamento das eleccións”.


“Os datos obxectivos que nos deron hoxe foron os 144 casos positivos, que supoñen 23 máis que o día anterior”. “Isto aquí é un absoluto tongo e atrévome a dicir que van facer unha carnicería”, alerta o político soberanista.



relacionada SATSE cifra en 400 as camas de hospital que pecharán este verán en Galicia pese ao brote da Mariña e a Covid-19
relacionada Votar na Mariña é seguro pero mellor con "recomendacións adicionais", indica un dos médicos asesores da Xunta
relacionada A área de Lugo volve subir con 15 novos casos pero o esborralle das cifras en Vigo compensa o repunte
relacionada A Xunta admite que os positivos de coronavirus da Mariña si poderían ir votar

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress