Rebrote coronavirus en Lugo: caen os positivos na Mariña pero aumentan no resto da provincia

Só tres de os oito novos contagios na provincia de Lugo son da Mariña. Así pode desprenderse das cifras que acaba de revelar o SERGAS.

O SERGAS publicou primeiro que a nivel provincial hai 8 casos activos máis. Como o número de "altas/curados" na provincia segue sendo 932, os mesmos que onte; disto dedúcese que en todo Lugo saltaron 8 positivos desde a mañá do luns. 

Como a Xunta dixo despois que "segundo as probas realizadas esta mañá se confiman 3 casos positivos de persoas afectadas polo brote de COVID-19 na Mariña", pódese deducir que hai 5 positivos no resto da provincia.

O cal son á vez boas e malas noticias. 

Boas noticias ante  o sorprendente desplome dos novos casos na Mariña. Lembrar que no últimas tres xornadas o brote producira entre 26 e 30 positivos por día.

Malas noticias porque ter 5 novos contaxiados fóra da Mariña apunta a que o coronavirus xa está a gañar velocidade máis aló da costa.

De feito, como se aprecia na gráfica que a diario actualiza Galiciapress, os datos provinciais son preocupantes. Os 151 casos activos na provincia seguen sendo máis que os do 12 de maio, cando Galicia só levaba dúas xornadas de desconfinamiento, practicamente estreando a Fase 1.

En todo caso, o rebrote parece estar a perder velocidade. A subida de 8 casos na provincia hoxe é o menor aumento en todo o que levamos de mes. É dicir, as mellores cifras no últimos sete días.

Outra boa noticia é que, aparentemente, o rebrote non se estendeu significativamente por agora a outras áreas sanitarias do país. Hoxe só houbo un caso máis en Pontevedra. 

O rebrote estendeuse significativamente fóra de Lugo ou o SERGAS aínda foi incapaz de detectalo, porque hai que lembrar que o COVID-19 tarda unha media de 5 días en manifestarse e nese período previo os contaxiados son contaxiosos, aínda que nunca cheguen a mostrar síntomas. 

Así pois, quedan polo menos dúas semanas, con sorte, para poder asegurar que a situación está controlada.

Controlado se parece estar o rebrote do Barbanza. Xa pasaron máis de dúas semanas sen casos. Tampouco hai noticia de que a persoa que chegou a Santiago con coronavirus vía autobús e tren desde Colombia contaxiase a ninguén.