150 traballadores de seguridade privada poderán ter un certificar a súa experiencia grazas a un acordo de Xunta e Defensa

Un convenio de colaboración asinado entre o Ministerio de Defensa e a Consellería de Economía, Emprego e Industria permitirá que un total de 150 traballadores de vixilancia e seguridade privada acrediten este ano a súa experiencia laboral no sector a través dun certificado oficial.

En concreto, tal e como informa a Xunta, estas persoas participarán entre a segunda quincena de xullo e finais de setembro nunha fase de asesoramento, tras a cal, xa en outubro, realizarán unhas probas de avaliación que terán que superar para obter o certificado.

Este procedemento forma parte da 13ª convocatoria de Recoñecemento da Experiencia Profesional (REXP), unha iniciativa que a Administración autonómica convoca desde o 2011 e na que, desde entón, participaron máis de 17.700 persoas, das que o 95 por cento, segundo os seus datos, obtiveron unha acreditación.

Nesta última edición que está en marcha incluíronse 11 cualificaciones profesionais --con máis dun milleiro de galegos rexistrados-- "a demanda dos sectores produtivos", asegura a Xunta. Entre elas, destaca dúas novas: a de vixilancia e seguridade privada e a de instrución de ioga.