Marea Galeguista avoga por aprazar as eleccións no caso de que o brote da Mariña impida o dereito a voto

Acusa á Xunta de "negar a realidade" ante o rebrote da Mariña, que ve "silenciado" nos medios

|

Pancho Casal, candidato de Marea Galeguista, acusa á Xunta de "negar a realidade" por medio de "un apagamento informativo nos medios públicos e privados".


A situación hoxe na Mariña é verderamente preocupante, con 26 casos novos ligados ao brote nas últimas horas, o que ascende o número total de afectados ata os 85 casos. A isto súmanse as dúbidas existentes sobre as capacidades do SERGAS para controlar os contagios. "Temos candidatos de nosa propia candidatura con sospeitas de estar infectados e dinnos que non lles fan as probas", exemplificou Casal.


O candidato de Marea Galeguista, Pancho Casal, en Tui durante a campaña do 12J


O candidato de Marea Galeguista á Presidencia da Xunta, Pancho Casal, considera que se rebrotes de coronavirus, como o desatado na comarca da Mariña luguesa, impide que "moitos" cidadáns exerzan o seu dereito a voto, as eleccións autonómicas "teñen que aprazarse".

Así se pronunciou este sábado o candidato da coalición en Tui (Pontevedra), onde se reuniu con afectados pola explosión dunha pirotecnia na parroquia de Paramos que deixou dous mortos e cuantiosos danos en maio de 2018.

Casal cre que a Xunta e o seu presidente e aspirante á reelección polo PPdeG, Alberto Núñez Feijóo, tratan de "restar importancia" ao rebrote da Mariña "decretando un apagamento informativo nos medios públicos e privados".

Tras afear que busquen "negar a realidade, o peor que pode facerse nunha situación de emerxencia", o cabeza de lista de Marea Galeguista demandou á Consellería de Sanidade que ofreza "información" sobre a situación no norte da provincia de Lugo e "publique o protocolo" ante rebrotes.

"Temos candidatos de nosa propia candidatura con sospeitas de estar infectados e dinnos que non lles fan as probas", sentenciou Casal, que advirte das consecuencias que a situación desatada na Mariña pode carrexar nun proceso electoral que, como lembrou, En Marea apoiou retomar en contra da postura do resto de partidos da oposición con presenza na Cámara galega.

"Se a Xunta non pode cumprir co que nós apoiamos, que era garantir totalmente o dereito electoral, habería que reformularse este campaña", engadiu Casal, que cre que se existe unha "cantidade reseñable" de persoas que non poden ir votar por estar confinadas ou en corentena, "a Xunta ou o Estado teñen que tomar medidas".

Estas medidas, segundo comentou, van desde a anulación das eleccións "en mesas, localidades ou na Mariña de Lugo" a, mesmo, o aprazamento total dos comicios.

"Tena que deixar claro (a Xunta) é que o exercicio democrático pódese facer de forma normal, se non, ten que aprazar as eleccións", insistiu Casal, que tamén censurou que se recomende levar a papeleta de casa, algo que prexudica ás formacións que, como Marea Galeguista, prescindiron do 'mailing' e beneficia ás candidaturas "que gastaron unha porrada de diñeiro" niso.


SUSPENSIÓN DE ACTOS NA MARIÑA

Así mesmo, cuestionado sobre a suspensión de actos electorais na zona da Mariña por parte de Galicia en Común, PSdeG e BNG ante o rebrote, Pancho Casal manifestou que "é evidente" que non poden desenvolverse actos na zona, pero ve "pose electoral" en que ditas formacións anúncieno en busca, di, de "publicidade".

"Do que hai que falar é das medidas, dos protocolos, de que a Consellería de Sanidade dea tranquilidade", incidiu.


EXPLOSIÓN DE PARAMOS

Por outra banda, o candidato e outros membros da candidatura visitaron a zona de Paramos, en Tui, acompañados por veciños da zona afectados pola explosión dunha pirotecnia, algúns dos cales, dous anos despois do suceso, aínda non puideron volver ás súas casas.

"Lamentamos que a Xunta non fixese un plan integral de reconstrución", apuntou Casal, que cualificou de "insuficientes" as axudas económicas aos afectados, o que ha provocoado qeu "varias vivendas aínda non fosen reconstruídas" pola imposibilidade dos seus propietarios de volver levantalas.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE