O ingreso mínimo vital empeza a chegar a algúns dos case 14.000 fogares que o pediron

Para algúns beneficiarios a tramitación está a ser máis rápida, pois a Seguridade Social alega que xa tiña toda a documentación sobre eles necesaria e concedeulle de oficio a axuda. Agora ben, todos os solicitantes ata o 15 de setembro cobrarán con efectos retroactivos desde xullo, no caso de que Estado aprobe a súa prestación.

A Seguridade Social efectúa este venres, 26 de xuño, o primeiro pago do Ingreso Mínimo Vital (IMV) a 74.119 fogares beneficiarios en España, entre os que hai 3.721 familias galegas. Son recoñecidos de oficio procedentes da prestación por fillo a cargo.

En total, abónanse en todo o país 32 millóns de euros, o que supón unha axuda media por fogar de máis de 430 euros ao mes. No caso galego, estes fogares contan con 5.342 adultos e 6.088 menores a cargo, o que suma 11.430 persoas.

Por provincias, abónanse prestacións en 1.393 fogares na Coruña, seguida de Pontevedra (1.325), Lugo (524) e Ourense (479).

Os fogares recoñecidos de oficio son aqueles de os que o Instituto Nacional da Seguridade Social (INSS) tiña información suficiente sobre a composición do fogar para poder realizar a reconversión. A Seguridade Social avisoulles, previamente, por SMS e carta para que non tivesen que solicitar o Ingreso Mínimo Vital.

O resto dos beneficiarios da prestación por fillo a cargo sen discapacidade ou con discapacidade menor ao 33% que poidan ser beneficiarios da nova prestación deberán solicitalo, xa que non constaba información suficiente para reconverter de oficio a prestación.

SOLICITUDES
No primeiros dez días desde o inicio do prazo para solicitar o Ingreso Mínimo Vital, rexistráronse no INSS 344.585 solicitudes en España, 13.814 delas en Galicia. A maioría presentadas por vía telemática, xa que a atención presencial nos Centros de Atención e Información da Seguridade Social (CAISS) retomouse este xoves.

Por provincias, na Coruña solicitáronse 6.085 prestacións, seguida de Pontevedra (4.840), Ourense (1.676) e Lugo (1.213).

En España, Madrid encabeza a lista en número de solicitudes, con 49.856, seguida de Barcelona (35.355), Valencia (20.699) e Sevilla (20.310). Pola contra, aquelas de as que se recibiron menos solicitudes son: Palencia (571), Teruel (426) e Soria (257).

EFECTOS RETROACTIVOS
A quen realice a solicitude nos tres primeiros meses (ata o 15 de setembro), e teñan dereito a ela segundo a documentación acreditada, seralles concedida con efectos retroactivos desde o 1 de xuño.

Os cidadáns pódense informar sobre o Ingreso Mínimo Vital a través da páxina web da Seguridade Social (www.seg-social.es) e mediante o novo asesor virtual, ISSA. Tamén dispoñen dunha ferramenta de simulación, onde poden comprobar se cumpren os requisitos, e dunha liña de teléfono para realizar consultas concretas (900 20 22 22), que funciona de 8.30 a 20.30 horas.

O Ingreso Mínimo Vital foi aprobado polo Consello de Ministros do pasado 29 de maio e establece un nivel de renda garantizable diferente para cada tipo de fogar.

Completa as rendas preexistentes (entre outras, as salariais), ata ese limiar garantido para cada tipoloxía que, no caso dos fogares unipersoais, é de 5.538 euros ao ano, o equivalente a unha pensión non contributiva, distribuída en doce pagas.

DATOS ESTATAIS
Nos 74.119 fogares que recibirán este venres o Ingreso Mínimo Vital viven máis de 250.000 persoas, das que máis da metade son menores de idade, segundo informou o Ministerio de Inclusión, Seguridade Social e Migracións nun comunicado.

A Seguridade Social efectúa este venres, 26 de xuño, o primeiro pago do Ingreso Mínimo Vital a 74.119 fogares beneficiarios, recoñecidos de oficio procedentes da prestación por fillo a cargo.

Por comunidades autónomas, aquelas con máis familias beneficiadas que hoxe reciben xa o primeiro pago do ingreso mínimo vital son: Andalucía, con 25.836; a Comunidade Valencina (9.271); a Comunidad de Madrid (7.382) e Cataluña (6.140). No outro extremo, están: Melilla (409), Ceuta (366) e Navarra, cunha familia beneficiaria.

MÁIS DE 830.000 FOGARES
Segundo os cálculos do Ministerio de Inclusión, Seguridade Social e Migracións, máis de 830.000 fogares poderían ser beneficiarios do Ingreso Mínimo Vital. Neles viven uns 2,2 millóns de persoas dos que a metade son menores.

O primeiro requisito para acceder ao Ingreso Mínimo Vital será o da vulnerabilidade económica. Tamén haberá que solicitar as prestacións e pensións ás que puidese ter dereito.

Haberá un titular por unidade de convivencia, que deberá ter entre 23 e 65 anos, salvo nos casos en que se conte con menores a cargo, nos que non haberá requisito de idade. Se o solicitante vive só, terá que acreditar que leva tres anos vivindo de maneira independente dos seus proxenitores e terá que estar de alta en calquera dos réximes da Seguridade Social durante polo menos doce meses.

Se os solicitantes viven integrados nunha unidade de convivencia esta terá que levar constituída polo menos un ano á presentación da solicitude. Para todos os solicitantes requirirase polo menos un ano ininterrompido de residencia legal e efectiva en España, excepto nas situacións de violencia de xénero, trata e explotación sexual.

Para que lle sexa recoñecida a prestación, o fogar debe ter uns ingresos totais inferiores á renda garantida para o seu tipo de unidade de convivencia. Ademais, esixirase un patrimonio (descontando a vivenda habitual) inferior a 3 veces a renda garantida anual para un fogar unipersoal, cunha escala de incrementos por número de membros no fogar.

Para o recoñecemento da prestación teranse en conta os ingresos do ano inmediatamente anterior, aínda que para atender as situacións de vulnerabilidade xeradas pola pandemia de COVID-19, tamén se poderá recoñecer para solicitudes cursadas durante 2020 teniendo en cuenta a situación de ingresos deste ano. No caso de que o titular non estea ocupado, esixirase a inscrición como demandante de emprego para o acceso á prestación.

O Ministerio informa que, de maneira excepcional, adiantouse a este venres o pago da prestación familiar por fillo a cargo semestral que correspondía abonar no mes de xullo.