Vigo conta xa con tres tendas de Naturgy tras a apertura en Eugenio Kraff

O novo establecemento atende sen cita previa, pero con aforo limitado, de luns a venres ata as cinco da tarde.

Naturgy reforza o servizo de atención aos seus clientes residenciais e pemes de Vigo coa apertura dunha nova tenda nesta cidade, que estará situada en Rúa Eugenio Kraff, 9, con horario de luns a venres, de 9:00 a 17:00. Este novo establecemento, que estará xestionado pola empresa colaboradora Insogal, súmase ás tendas xa existentes en Rúa López de Amora, 51 e Rúa Uruguai, 20.

Cumprindo coa normativa de seguridade deseñada polas administracións, a atención a clientes en Galicia realízase sen cita previa, pero determinouse aforo limitado nas tendas e previuse, ademais, un horario preferente, de 10.00 a 11.00 horas, para atención a maiores de 65 anos. Hanse reconfigurado os espazos para garantir distancias de 2 metros tanto nas zonas de espera como nos postos de atención, primando sempre a seguridade, zonas sinalizadas mediante nova señalética instalada en chans e biombos.

Dado que se trata de espazos pechados, lémbrase o uso obrigatorio de máscaras por parte dos clientes e os empregados. Todas as tendas Naturgy contarán con xel hidroalcohólico, e paneis informativos sobre as medidas de seguridade, así mesmo implementouse un novo método de xestión de residuos baseado en dispositivos de pedal no que depositar equipos de protección ou material desechable. Os servizos de limpeza tamén se reforzaron en cada un dos centros.

Igualmente, renováronse as operacións de mantemento preventivo, a instalación de caldeiras e outros equipamentos, traballos que axudarán a ir recuperando a normalidade e a reactivar economicamente o sector de instaladores e o emprego. Para iso, a compañía deseñou ofertas de financiamento de renovación de equipos para facilitar estas operacións no contexto actual.

COMERCIO MÁIS PRÓXIMO

Naturgy está a apostar por tendas máis próximas aos barrios e aos seus clientes, que poderán recibir, nestes establecementos, información sobre a completa carteira de servizos que ofrece a compañía, así como asesoramento en materia de eficiencia enerxética e na xestión de subministracións, ademais de atención aos clientes de Naturgy. A nova tenda tamén propoñerá un servizo de instalación e mantemento de calefacción, caldeiras, bombas de calor, etc.

 En Galicia, Naturgy conta cunha carteira de máis de 1,6 millóns de clientes no mercado doméstico e de pemes.