Os casos activos de coronavirus caen un pouco en case todas as áreas de Galicia, que recorta 18 desde onte

Os casos activos de coronavirus en Galicia seguen baixando moi lentamente. Hoxe domingo non hai ningunha área sanitaria con repunte, só dous, Pontevedra e Ferrol, que quedan iguais. Vigo a penas baixou os seus casos activos nos últimos días.

Con 194 casos Vigo segue sendo a área con máis incidencia. É tamén a que mostra un comportamento menos bos, con repuntes puntuais habituais. Hoxe só baixa dous casos activos e desde fai catro días o cómputo baixou unicamente nun.

En termos xerais, os casos activos seguen caendo en Galicia, aínda que a un ritmo bastante lento.

Hoxe hai 18 menos que o sábado,  524. A media móbil diaria a sete días indica que os casos están a baixar cada xornada en torno ao 4 ou 5%. 

Se isto engadímoslle de que o Ministerio informa que só se detectou un positivo por PCR con inicios de síntomas esta semana, vemos que non hai indicios dun repunte de coronavirus en Galicia.

Ferrol (16) e Pontevedra (14) seguen competendo por ser o ára que primeiro acaba co coronavirus, aínda que nas últimas dúas xornadas non conseguiron baixar.

Lugo, con 30 casos, é unha das áreas que mellor comportamento está a ter ultimamente. Tamén A Coruña, a área onde primeiro entrou o COVID-19 en Galicia e que durante moito tempo encabezou a clasificación de máis afectadas. 

De feito, Coruña, con 119 casos activos, está preto xa dos niveis de Santiago de Compostela (107) casos activos.  A capital de Galicia e Vigo son as áreas onde o volume de casos activos de coronavirus parece máis estancado.

Segundo o SERGAS, o número de casos activos de coronavirus este domingo 7 de xuño en Galicia ascende a 524  dos cales 119  son da área da Coruña, 30 de Lugo, 44 de Ourense, 16 de Pontevedra, 194 de Vigo, 107 de Santiago e 14 de Ferrol. 

QUE É UN CASO ACTIVO?

Hai que ter en conta que estes datos da Xunta refírense a os casos activos. É dicir, a persoas que deron positivo por PCR ou anticorpos e que aínda non deron negativo nunha proba PCR.

Así, se o SERGAS fai probas de anticorpos a todos os traballadores, por exemplo, dun centro de saúde, probablemente aparecerán algúns positivos, que deben sumarse ao cálculo de casos activos. 

Agora ben, se despois estes positivos en anticorpos dan negativo en PCR significa que xa superaron a enfermidade, polo que hai que borralos da lista de casos activos e sumalos á de recuperados. O tempo que tardan eses PCR de contraste alimentou pasados repuntes leves en casis todas as áreas. 

Por iso non hai que alarmarse porque unha área en concreto presente repuntes de casos activos varias xornadas seguidas, pois non necesariamente implica un rebrote da enfermidade.  Iso si, é necesario vixiar se o días sucesivos o número de casos activos volve descender, como afortunadamente sucedeu desde o pico ata hoxe.