A segunda oportunidade: José Ángel Carrillo e os goles do Anxo Carro

|

Na recta final para o regreso do fútbol, moitos equipos xa apuran os prazos para chegar na mellor forma posible á primeira xornada despois do parón. 


Un parón que, para moitos, serviu como un punto de inflexión para afrontar esta volta aos terreos de xogo como unha segunda oportunidade. É o caso de José Ángel Carrillo, dianteiro do Lugo e o home que necesitan no Anxo Carro para mellorar os seus algarismos para gol. 


Carrillo lugo


Carrillo promete ser un dos homes que marque a diferencita | Foto: CD Lugo


No Anxo Carro é onde se vive a situación máis complicada. Dos equipos galegos da elite, o CD Lugo é o máis necesitado dunha reacción temperá para saír da zona vermella da táboa. Aínda que a salvación atópase nestes momentos a só un punto, os pupilos de Curro Torres, que viñan dunha magnifica refacho de cinco partidos seguidos sen perder antes do parón, teñen que mellorar os seus rexistros, especialmente para porta, unha faceta na que son o segundo peor conxunto da división de prata, só superados polo Málaga (27 goles) e empatado co Deportivo, que como os lucenses suma 28 tantos.


É nesta faceta onde emerxe José Ángel Carrillo. O murciano, que chegou á cidade amurallada coa tempada xa empezada despois dunha amarga experiencia en Israel, busca reafirmarse no norte como o nove que necesitan os branquivermellos. Despois de varios anos facendo goles nos equipos do sur, como Córdoba, Cádiz ou Sevilla Atlético, Carrillo ten ante si o maior reto da súa carreira: ser a pólvora dun equipo con toda a artillería mollada.


Con todo, os precedentes son moi bos. Antes do parón o dianteiro lograra facerse un oco no once titular despois duns primeiros meses titubeantes e anotara os seus primeiros goles coa escuadra luguesa. Fundamental no últimos cinco choques, os seus goles deron dous puntos ao seu equipo nos empates ante Elxe e Cádiz.  


Doutra banda, o premio para Carrillo, se se consegue a salvación da súa man, pode ser a súa renovación, xa que termina contrato este xuño, do mesmo xeito que moitos dos seus compañeiros. Todas as negociacións atópanse paradas ata que se resolva o futuro deportivo da entidade que pas por unha salvación que ten que conquistarse polo civil ou polo criminal. E Carrillo xa está listo para ir á guerra. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress