​Pione Sisto déixase ver pola Madroa por primeira vez desde marzo

O danés reapareceu ante os focos unha semana despois de que comezasen os adestramentos do Celta, nos que aínda non participou.

Sisto durante un adestramento | Foto: RC Celta

Aos poucos vaise clarificando un pouquiño máis a situación en A Madroa. Mentres o 99% do persoal segue coa súa posta a piques de cara a que se retome a actividade na competición ligueira, unha nota discordante segue desafinando a filarmónica celeste e, como non podía ser doutra forma, a nota máis alta que outra segue dándoa Pione Sisto.

Tras varios días de incomparecencia por motivos aínda hoxe descoñecidos, o xogador danés ha reaparecido nos campos de adestramento da Madroa. Aínda que nun principio parecía que a súa presenza nas instalacións estaba  motivada por algo alleo á súa preparación deportiva, finalmente púidose ver ao extremo de novo vestido de curto e ás ordes de Óscar García.

O adestrador xa lle deu un toque de atención hai días en rolda de prensa, deixando ver que os pensamentos do xogador estaban lonxe do terreo de xogo. O mesmo o presidente do Celta, Carlos Mouriño, que reprendeu ao danés por non colaborar co club para poñer solución aos seus problemas, aínda que se resistiu a revelar que problemas acosan ao futbolista.