​PACMA denuncia o envelenamento a tres cachorros de mastín en Cerdedo-Cotobade

|

Ademais dos tres cachorros envelenados, dous mastines adultos recibiron disparos no municipio pontevedrés. Un deles morreu despois de ser disparado na cabeza.


Cachorrosmastin

Foto de arquivo de cachorros de mastín



Os cinco animais agredidos -tres cachorros envelenados; dous cans adultos tiroteados- atopábanse nunha explotación gandeira, segundo denuncia a Fundación Franz Weber, que reclama unha investigación urxente do caso.


Do mesmo xeito, desde PACMA tamén denuncian o ocorrido na localidade pontevedresa e esixen “o endurecemento das penas por malos tratos animais”. “Os maltatadores seguen atacando e matando animais porque as leis permítenllo”, lamenta o partido animalista.


A Fundación, doutra banda, lembra que o uso de cebos envelenados está tipificado como delito e considérase “caza non selectiva”, que pode carrexar ata dous anos de prisión, mesma condena aplicada para os malos tratos de cans.


Nese sentido, e seguindo a vía administrativa, as sancións económicas poderían ascender ata os 30.000 euros, ademais de inhabilitacións para tenencia de animais domésticos ou armas de caza durante unha década. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress