A máis coronavirus, moita menos contaminación en cidades como Vigo e A Coruña

|

Se algo bo pódese sacar desta crise, é que a humanidade está capacitada para combater o cambio climático e a contaminación do aire, que todos os anos custan a vida a miles de persoas. Caídas do dióxido de nitróxeno por encima do 60% así o demostran.


A contaminación do aire urbano de Galicia caeu un 65,5% entre o 14 de marzo e o 30 de abril coincidindo co período de confinamento, tal e como reflicte o informe 'Efectos da crise da COVID-19 na calidade do aire urbano de España', elaborado por Ecoloxistas en Acción.



Tubo de escape dun coche emitindo polución.




METODOLOXÍA

Para cuantificar estes datos, o estudo analizou os datos oficiais de dióxido de nitróxeno recolleitos nas estacións urbanas de medición da calidade do aire existentes nas cidades da Coruña e Vigo durante os meses de marzo e abril de 2020, e comparounos cos dos dez anos anteriores.

Con iso, o informe cuantifica que, durante o período de alarma, a contaminación do aire urbano ha caído un 61,5% de media, un descenso máis acusado en Vigo (64%) que na Coruña (59%).


A MÁIS CONFINAMENTO, MENOS CONTAMINACIÓN

A mellora da calidade do aire en Galicia "está a ser xeral, tanto nos centros das cidades como nas periferias urbanas", apunta a asociación, en sintonía coas medidas xerais de limitación da circulación adoptadas.

Tampouco se detectan "grandes diferenzas" entre as diversas prórrogas do estado de alarma, nas que se aplicaron restricións de diversa intensidade, aínda que a caída da contaminación foi algo superior na media do mes de abril (60% na Coruña e 66% en Vigo) que na segunda quincena de marzo (57% na Coruña e 60% en Vigo).


MELLORES ÍNDICES EN DEZ ANOS

Os niveis rexistrados durante o estado de alarma "son os máis baixos para os meses de marzo e abril" da media de toda a década en ambas as cidades. Ademais, explican os ecoloxistas, "mantéñense moi por baixo do valor límite legal e a guía anual da Organización Mundial da Saúde (OMS)".

No total, das 26 cidades españolas de máis de 150.000 habitantes analizadas, as galegas atópanse entre aquelas en as que se rexistraron maiores descensos. Vigo (64%) foi a sexta cidade onde máis caeu a contaminación, mentres A Coruña (59%) foi a undécima.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress