Normas básicas e franxas horarias para pasear e saír a facer deporte desde o 2 de maio
O Ministro de Sanidade establece horarios diferentes para facer deporte, o paseo de persoas dependentes e a saída de menores de 14 anos. O obxectivo é evitar as previsibles aglomeracións nas cidades. En municipios de menos de 5.000 habitantes non se aplicarán ningunha destas franxas.
O Ministro de Sanidade establece horarios diferentes para facer deporte, o paseo de persoas dependentes e a saída de menores de 14 anos. O obxectivo é evitar as previsibles aglomeracións nas cidades. En municipios de menos de 5.000 habitantes non se aplicarán ningunha destas franxas.
O Goberno fixou franxas horarias para a saída da poboación á rúa a partir do próximo sábado día 2, cando se permita saír ás familias a pasear e a facer unha hora de deporte de maneira individual.
As diferentes franxas horarias son as seguintes:
- De 06.00 a 10.00 horas e de 20.00 a 23.00 horas: facer deporte e paseos para maiores de 14 anos.
- De 10.00 a 12.00 horas e de 19.00 a 20.00 horas: paseos para maiores de 70 anos e dependentes.
- De 12.00 a 19.00 horas: paseos para menores de 14 anos.
Así pois, permitirase saír a facer deporte de forma individual e pasear con outra persoa coa que se conviva unha vez ao día a partir do 2 de maio e nunhas franxas horarias determinadas: entre as 6:00 e 10:00 da mañá e entre as 20:00 e 23:00 da noite, anunciou este xoves o ministro de Sanidade, Salvador Illa, asinante da orde que regulará estas prácticas.
O deporte ao aire libre deberá realizarse no mesmo municipio de residencia, mentres que no caso dos paseos non poderá un afastarse a máis dun quilómetro de distancia do seu domicilio. Na mesma orde, restrínxese o horario dos paseos xa permitidos para os menores de 14 anos entre as 12.00 do mediodía e as 19.00 horas, co obxectivo de que as persoas autorizadas a saír das súas cousas unha vez ao día non se concentren nas mesmas horas.
DEPENDENTES E MAIORES DE 70
No caso das persoas maiores de 70 anos ou dependentes que precisen compañía de coidadores, resérvaselles o horario entre as 10.00 e as 12.00 horas, pola mañá, e entre as 19.00 e 20.00 horas da tarde. En municipios de menos de 5.000 habitantes non se aplicarán ningunha destas franxas horarias ao considerarse innecesario repartir á poboación para evitar aglomeracións.
As persoas con síntomas compatibles coa enfermidade da COVID-19 ou que se atopen en corentena tras contaxiarse ou por estar en contacto cunha persoa portadora do virus non estarán autorizados a gozar destes paseos nin a saír a facer deporte, precisou o ministro nunha rolda de prensa desde o Palacio da Moncloa.
Escribe o teu comentario