A maior melloría nas UCIs do SERGAS desde o inicio do coronavirus, reflicten os bos datos de hoxe
Algo que non sucedía desde as datas nas que empezou a corentena.Certo é que os 90 de hoxe supoñen un salto respecto aos 60 e 62 de onte, pero o importante é que esta semana Galicia está cuns niveis de contagios notablemente inferiores aos da semana pasada, cando nunca se baixou dos 100.
O número de casos confirmados sobe hoxe, pero mantense significativamente por baixo da semana pasada. As UCIs experimentan un alivio de 10 prazas, a maior baixada desde o principio da crise en Galicia.
Terceiro día consecutivo que o número de novos positivos en Galicia non supera os 100. Algo que non sucedía desde os inicios da corentena.
Certo é que os 90 de hoxe supoñen un salto considerable respecto a os 60 e 62 de onte; pero o importante é que esta semana Galicia está cuns niveis de contagios notablemente inferiores aos da semana pasada, cando nunca se baixou dos 100.
As UCIS SEGUEN GAÑANDO ESPAZO LIBRE
Nas unidades de coidados intensivos galegas hai 73 pacientes ingresados. É a menor cifra dede o 25 de marzo.
O alivio de dez prazas UCIs nunha soa xornada é o maior no que levamos de epidemia. Poida que sexa produto, polo menos en parte, do falecemento dalgúns enfermos. Con todo, non deixa de ser un indicador fiable de canto remitiu o COVID-19.
Hai que lembrar que Galicia chegou a declarar 178 pacientes en UCI con coronavirus. Aquel 3 de abril os convalecentes representaban case o 65% das 274 dispoñibles, hoxe só representan o 32%.
En Galicia o Ministerio de Sanidade confirma que houbo ata hoxe 9.328 contaxiados. O ritmo de aumento é notablemente inferior, polo que parece que a volta ao traballo de actividades non ensenciales non está por agora provocando un rebrote da pandemia.
O informe de hoxe do Ministerio só reflicte sete mortos. Cifra enganosa porque non computa os decesos en residencias, que supoñen sobre o 25% do total.
En todo caso, como é un defecto que se arrastra desde o principio, a gráfica permítenos ver que o número de óbitos en hospitais galegos segue estable nun rango de entre 6 e 11 ao día.
1.308 é o número de contagios confirmados hoxe en España mediante PCR. Unha cifra inferior á do 14 de marzo, cando empezou o estado de alarma.
Se a gráfica segue baixando tantos chanzos como na última semana, crecerá aínda máis a presión sobre o Goberno para que relaxe antes o confinamento.
Cantos falecidos haberá finalmente en España nesta primeira onda do coronavirus? Probablemente unha cifra moi similar á de Italia, onde xa se rozan os 27.ou00 decesos, pois as súas gráficas son moi similares.
Escribe o teu comentario