Así serán os requisitos e contías a cobrar pola nova renda mínima vital

Millóns de familias esperan ansiosas un ingreso que lles permita capear a crise do coronavirus. Por agora, a Seguridade Social propón 430 euros ao mes para individuos sen fillos, 630 euros para familias con dous fillos. Ingreso que podería ser compatible cun traballo, sempre que o soldo sexa limitado.

O borrador que ultima o Ministerio de Seguridade Social rebaixa sensiblemente a contía da prestación que propuxera a Vicepresidencia de Dereitos Sociais, dado que se forzou  a tramitar con máis rapidez da que pretendía o ministro José Luis Escrivá.

Neste documento uno dos requisitos  é a renda por unidade familiar, á vez que establece tramos por renda (ingresos) para evitar que se perciba ou toda a  axuda (prestación) ou ningunha.

Datos do INE

Os TRAMOS DA RENDA MÍNIMA

No primeiro tramo da renda mínima situaríanse os que se atopen en peor situación económica, que ingresarían o 80% do Indicador Público de Renda de Efectos Múltiples ( IPREM), cuxa contía en 2020 é de 537,84 euros ao mes.

E no segundo tramo engadiríase un complemento de 1.200 euros ao ano por fillo a cargo, cun máximo de tres.  

É dicir: 

1) 430,27euros : Unha familia dunha persoa.

2) 530.27 euros : Unha familia cun fillo.

3) 630,27 euros: Unha familia con dous fillos.

4) 730,27 euros: Unha familia con tres fillos ou máis.

O Ministerio cifrou os fogares que percibiran esta "renda mínima" en 1,8 millóns de fogares, o que viría superar o millón de familias que anunciou o Ministro Escrivá e confirmaron fontes de Presidencia do Goberno.

O borrador da disposición ten por obxectivo reducir a pobreza severa ata nun 60%, deixando a súa taxa no 2,7%, o que situará a España oito décimas por baixo da media da Unión Europea. Entendendo por pobreza severa, segundo a taxa AROPE e a Estratexia Europa 2020  as persoas en risco de pobreza e/ou exclusión social  que se atopan nalgunha das tres situacións que se definen a continuación. 

1) Persoas que viven con baixos ingresos (60% da mediana do ingreso equivalente ou por unidade de consumo no ano anterior á entrevista).

2) Persoas que sofren privación material severa (4 dos 9 items definidos) .

3) Persoas que viven en fogares cunha intensidade de emprego moi baixa (por baixo do 20% do total do seu potencial de traballo no ano anterior á entrevista).

A carencia material severa é a proporción da poboación que vive en fogares que carecen polo menos de catro conceptos dos nove seguintes:

1) Non pode permitirse ir de vacacións polo menos unha semana ao ano.

2) Non pode permitirse unha comida de carne, pito ou peixe polo menos cada dous días.

3) Non pode permitirse manter a vivenda cunha temperatura adecuada.

4) Non ten capacidade para afrontar gastos imprevistos (de 650 euros).

5) Tivo atrasos no pago de gastos relacionados coa vivenda principal (hipoteca ou aluguer, recibos de gas, comunidade...) ou en compras a prazos nos últimos 12 meses.

6) Non pode permitirse dispoñer dun automóbil.

7) Non pode permitirse dispoñer de teléfono.

8) Non pode permitirse dispoñer dun televisor.

9) Non pode permitirse dispoñer dunha lavadora.

Unha das principais novidades é que a medida expón un sistema de renda mínima a nivel estatal que sexa compatible con salarios baixos, para así non desincentivar a participación no mercado laboral.

Este proxecto de renda mínima,  elimina a condición de ser parado de longa duración ou estar rexistrado no Servizo Público de Emprego Estatal (SEPE), de tal forma que a axuda sexa compatible co emprego ata un certo limiar de soldo, que por agora non cuantifica.

Este modelo xa se demostrou efectivo no País Vasco. Permitiría reducir os desincentivos a participar no mercado laboral e evitaría alterar as cifras de desemprego, xa que os beneficiarios non terían que inscribirse como parados para poder percibir a axuda.

NO AIRE O FINANCIAMENTO DA RENDA MÍNIMA

A medida non vén acompañada dunha memoria económica, pero os expertos calculan que terá un custo para o Estado superior aos 5.000 millóns de euros.

Os técnicos de Seguridade Social recoñecen que o feito de que vaia a ser unha medida permanente, como defendeu, José Luis Escrivá, fai que se converta en estrutural e non nun desembolso momentáneo e circunscrito a esta crise e o goberno terá que buscar unha vía de financiamento permanente.

COÑECE COMO É A RENDA DE GARANTÍA DE INGRESOS DO PAÍS VASCO

O Goberno vasco foi o primeiro en adiantar a Renda de Garantía de Ingresos (RGI) aos seus cidadáns co obxectivo de axudar aos seus habitantes. Para evitar unha catástrofe económica, o Partido Nacionalista Vasco (PNV) e o Partido Socialista (PSOE) aumentaron os fondos para axudar ás familias con menos recursos básicos e esta medida foi un éxito.

A Renda de Garantía de Ingresos consiste en axudar ás persoas e familias que non teñen recursos para subsistir e, tamén a conseguir unha saída laboral. As persoas que poden recibir esta axuda poden ser "persoas sen traballo, traballadores con poucos recursos, pensionistas, perceptores doutro tipo de pensións, inmigrantes sen permiso de residencia, etc", segundo recolle o Servizo Vasco de Emprego.

As persoas que queiran solicitar esta axuda teñen que cumprir os seguintes requisitos: Estar empadroado no País Vasco durante polo menos 3 anos, ser maior de 23 anos, levar mínimo un ano vivindo no mesmo fogar, ter ingresos inferiores á cota da RGI, ter só unha propiedade, non sufrir un ERTE, non ter antecedentes penais e estar rexistrado no Servizo de Emprego Vasco.

Segundo a 'Avaliación do Impacto dun Réxime de Renda Mínima no País Vasco', a RGI levada polo Gobierno Vasco está a funcionar e, á vez, non atrasa a procura de emprego. A axuda oscila entre os 650€ e 950€ ao mes e varía segundo o número de membros familiares.

GRÁFICO DE EVOLUCIÓN DE PRESTACIÓNS EN ESPAÑA