Os mellores datos de coronavirus en Galicia no últimos catro días, indica a gráfica de novos infectados
As cifras do Ministerio de Sanidade son relativamente positivas para Galicia este martes. Os 316 novos infectados confirmados onte é o menor incremento en varias xornadas. No Estado, o número de positivos roza os 95.000. Tras varias xornadas de datos esperazadores, os máis de 9.000 positivos da xornada supoñen un récord negativo:
As cifras do Ministerio de Sanidade son relativamente positivas para Galicia este martes. Os 316 novos infectados confirmados onte é o menor incremento en varias xornadas.
Hai que tomar esta cifra con todas as cautelas posibles. Especialmente, porque aínda onte a autonomía bateu a súa marca, con 584 novos infectados:
Galicia suma xa máis de 4.000 casos positivos. Galiciapress estimou que se a pandemia chega a sumar uns 7.000 positivos, as UCIS do SERGAS poderían sufrir saturacións.
Por agora, as camas de coidados intesivos en Galicia xa están aproximadamente á metade.
Na última semana, o número total de casos confirmados subiu nunhas 2.600 persoas en Galicia:
A curva da pandemia non termina de aplanarse nin na autonomía nin en España:
Aínda que, polo lado positivo, o ritmo de aceleración do COVID-19 parece estabilizado en Galicia. A porcentaxe de subida hoxe é do 8%, significativamente menor que nas pasadas xornadas, onde xa se notaba certa estabilización.
MALAS NOTICIAS A NIVEL ESPAÑOL
No Estado, o número de positivos roza os 95.000. Tras varias xornadas de datos esperanzadores, os máis de 9.000 positivos da xornada supoñen un récord negativo:
As cifras oficiais de Saúde Pública indican que o número de mortes en España parece estabilizado.
É un dato moi importante, pola súa fiabilidade. Mentres que en teoría o número de mortos con coronavirus que non rexistran as estatísticas debería ser pequeno, é unha evidencia que o número de positivos non reflicte a poboación infectada realmente, debido á carencia de probas e aos moitísimos casos asíntomáticos ou moi leves.
En todo caso, España segue contabilizando uns 800 falecidos ao día. Son xa case 8.200 desde o inicio da pandemia:
A nivel internacional, os falecidos en Estados Unidos, líder en positivos, están xa a piques de superar aos de China e Francia:
Escribe o teu comentario