Unha persoa con síntomas de coronavirus escapa do CHUAC, a cuxo persoal se renderá homenaxe este xoves

A Asociación Profesional de Policía Local da Coruña, en colaboración cos demais corpos de seguridade da cidade, organizarán este xoves, ás 14,30 horas, unha concentración na rotonda do Complexo Hospitalario Universitario A Coruña (Chuac) para homenaxear o persoal sanitario pola súa loita contra o coronavirus.

Toda unha mostra de solidariedade que non teñen outros cidadáns. Por exemplo, a persoa que se marchou do CHUAC a pesar de ter síntomas, segundo a Policía Local. Os axentes tiveron que localizalo nas inmediacións do centro sanitario e levalo de volta ao hospital.

Segundo informa o Consistorio, vehículos da Policía Local, Autonómica e Nacional, da Garda Civil, dos Bombeiros e Protección Civil colocaranse na glorieta do centro das Xubias "para darlles un forte aplauso a todas e todos os profesionais que axudan con recursos médicos e asistenciais a frear o avance da enfermidade e procuran o benestar das e dos coruñeses infectados".

No transcurso do acto, garantirase o paso de ambulancias e outros vehículos que queiran acceder ao Chuac. A iniciativa xurdiu de todos os corpos de seguridade que operan na cidade.

"Como unha forma de agradecerlles ás persoas que están tan expostas ao virus o seu labor e humanidade e tamén para darlles moita forza nestes días tan críticos", engade.