Outra oportunidade para os seguidores galegos de Juancho Marqués, tocará en Vigo en abril

|

Este febreiro Juancho Marqués logrou colgar o cartel de non hai entradas na Sala Capitol de Santiago. Os seguidores galegos dunha das principais referencias do hip hop e  trap estatal están de parabéns. Acaba de poñer á venda entradas para o seu próximo concerto en comunidade. Será o 17 de abril nunha sala bastante máis grande, o Auditorio do Mar de Galicia en Vigo.



Juancho Marquu00e9s e o seu equipo en Valencia tras un concerto

Marqués e o seu equipo tras un concerto en Valencia nunha imaxe da súa Twitter


O prezo das entradas varía entre os 16 euros e os case 45 euros, proba da popularidade do artista. A promotora explica que Álbum Uno, o cuarto traballo en solitario de Juancho Marqués, será "parte fundamental do seu concerto en Vigo".


Juancho Marqués deuse a coñecer como integrante do grupo madrileño de hip hop Suite Soprano. En 2009 lanzou Pódese Tocar; pero o seu gran despegamento chegou en 2016, co lanzamento de The Blues, recoñecido pola crítica como unha dos mellores discos do ano.  O seu estilo difire dos tópicos do rap, con letras moito máis introespectivas , e arranxos alleos ao estándar nese xénero.


O seu último lanzamento é  Álbum Uno, repleto de colaboracións: a ineludible voz da cantaora flamenca María José Llergo, partícipe en dúas das 13 pistas; o carácter das letras de Natos; a atractiva música de Vic Mirallas; a intensidade e sentimento de David Ruiz da M.Ou.D.A ou a indiscutible presenza e sentido que achega o track con Sule B, cando se reitera aquela xa tradicional frase de que “Suite Soprano é para sempre”. 



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress