O 061 nega recortes no persoal de ambulancias que denunciou o principal sindicato

|

O responsable da Confederación Intersindical Galega (CIG), o sindicato máis numeroso no sector de ambulancias, Óscar Graña, denunciou que o Servizo Galego de Saúde (Sergas) "pretende" que as dotacións de ambulancias de emerxencia poidan actuar "unicamente co persoal condutor, sen ningún técnico". Hoxe a Fundación Pública Urxencias Sanitarias de Galicia-061 , responsable do tranporte sanitario urxente, sae ao paso destas manifestacións.


A Fundación Pública Urxencias Sanitarias de Galicia-061 asegura que "todas as ambulancias pertencentes á Rede de transporte sanitario urxente do servizo público galego de emerxencias sanitarias, cumpren estritamente coa normativa vixente en canto á dotación do persoal e a formación necesaria".


Ambulancia



A Xunta insiste que as ambulancias cumpren tamén a nivel de equipamento, algo que tamén cuestionou a CIG. "Todas as ambulancias que prestan servizo para a Fundación Pública Urxencias Sanitarias de Galicia-061, ademais das da Rede de transporte sanitario urxente están dotadas dun desfibrilador externo semiautomático e o seu persoal ten a formación e a titulación esixida no citado anexo", explican desde a Administración .





Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress