Alu Ibérica alerta que 320 empregos están en perigo nas antigas Alcoa A Coruña e Alcoa Avilés

|

A crise industrial en Galicia ten visos de prolongarse. Se o Goberno non mellora as axudas para as industrias electrointesivas, os novos donos de Alcoa Coruña  din que non poderán reiniciar os fornos. Tamén Ferroatlántica alertou de que as medidas propostas son insuficientes. Os traballadores de Alcoa San Cibrao témense o peor e seguen con protestas.



Alu Ibérica, como se rebautizó as antigas plantas de Alcoa na Coruña e Avilés tras a súa compra por Parter Capital, advertiu de que o custo eléctrico que resulta do borrador de Estatuto de Electrointensivos presentado polo Goberno "faría imposible" que poida producir aluminio primario en España e pon en risco aos máis de 320 empregados desas liñas en ambas as plantas.


Manifestantes de Alcoa marchan por un futuro para a industria electrointensiva  na Coruña


Unha pasada protesta de proletarios de Alcoa, Ferroatlántica e Celsa Atlántic 


O CUSTO DA ELECTRICIDADE SEGUIRÍA SENDO POLO MENOS UN 40% MÁIS QUE EN ALEMAÑA
En concreto, estima que a proposta do Estatuto sitúa o prezo eléctrico entre 45 e 49 euros por megawatt hora (MWh), "mantendo un altísimo diferencial" co que pagan os competidores alemáns, que producen aluminio primario a 32 euros por MWh.

Así, considera que a produción de aluminio primario necesita un prezo estable por baixo de 35 euros por MWh, nivel que permitiría reiniciar en nove meses a produción de aluminio primario nas plantas da Coruña e Avilés e salvagardar os empregos.

QUE PASARÁ COAS PROMESAS DE INVESTIMENTOS EN GALICIA E ASTURIAS?
Nun comunicado, o grupo sinala que, tal e como se comprometeu, está preparado á espera de poder reiniciar, en nove meses, as liñas de produción de aluminio primario -paradas hai un ano por Alcoa- nas plantas da Coruña e Avilés, pero para iso afirma que é necesario "que se cumpra a condición previa de contar con prezos eléctricos estables, predicibles e competitivos, sen os cales non sería viable reiniciar a fabricación".

Desta maneira, o grupo, que ten aprobado un plan de investimento por 20 millóns de euros para a implementación de tecnoloxías de aforro de enerxía e CO2 e melloras nos dous centros industriais, advirte de que o actual borrador de Estatuto non garante un prezo eléctrico que lle permita producir aluminio primario, polo que "non sería suficiente para salvagardar os empregos dos traballadores de series de electrolisis en ambas as plantas" (168 empregados na Coruña e 155 en Avilés).

EXPECTATIVAS DUN PREZO ELÉCTRICO ENTRE 12 E 15 EUROS INFERIOR.
O grupo subliña que o Ministerio de Industria, Comercio e Turismo, durante a fase final do proceso de adquisición das plantas na Coruña e Avilés, en xuño do ano pasado, confirmou as súas expectativas de que coa nova regulación de custos de enerxía destinada ás industrias electrointensivas reduciríanse entre 12 e 15 euros por MWh os custos eléctricos existentes naquel momento, que eran aproximadamente duns 50 euros por MWh, "o que supuxo un argumento importante para as partes interesadas -comprador, vendedor, sindicatos e institucións autonómicas da Xunta de Galicia e do Goberno do Principado de Asturias-, á hora de acordar a transacción".

Por iso, sinala que o esquema proposto agora no borrador de Estatuto "non garante a competitividade nin o futuro da industria do aluminio primario en España". Algo que pode ter terribles consecuencias tamén na única planta que conserva Alcoa en España, a de San Cibrao, principal motor industrial de toda a provincia de Lugo.

"Estamos preparados para arrincar a produción de aluminio primario en nove meses, tanto na Coruña como en Avilés, en canto teñamos garantida a viabilidade económica cun prezo eléctrico real acorde con ela", sentenciou o director de Operacións de Alu Ibérica, Günter Goldhammer.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress