Falece o expresidente de Caixagalicia Mauro Varela
O coñecido avogado lucense Mauro Varela, exdiputado da Cámara galega e expresidente de Caixa Galicia, faleceu este xoves, aos 78 anos de idade.
A Varela tocoulle lidar cun dos episodios máis complicados da historia económica de Galicia, a fusión das caixas de aforros
O coñecido avogado lucense Mauro Varela, exdiputado da Cámara galega e expresidente de Caixa Galicia, faleceu este xoves, aos 78 anos de idade. Licenciado en Dereito e avogado en exercicio desde 1965, Mauro Varela foi parlamentario do Congreso en Madrid polo PP nas lexislaturas de 1989, 1993 e 1996, así como deputado autonómico a partir de 1997.
No ámbito económico e empresarial, foi presidente de Caixa Galicia e copresidente de Novacaixagalicia, á vez que mantivo un despacho de avogados na Praza Maior de Lugo, a súa cidade de orixe.
O pesar polo falecemento de Mauro Varela foi especial no seo da Diocese de Mondoñedo-Ferrol, onde foi membro do consello directivo do Anuario Diocesano e desde onde trasladaron o agarimo aos seus familiares e amigos.
Tamén desde a formación coa que Mauro Varela exerceu como deputado enviaron as súas condolencias, como é o caso do PP da Coruña ou da presidenta de Novas Xeracións de Lugo, Rosa Arza.
Escribe o teu comentario