Detido un vendedor de drogas armado cunha pistola taser preto dunha zona escolar

|

Axentes da Policía Nacional adscritos á Brigada de Policía Xudicial detiveron a un home de 33 anos veciño de Lugo como autor dun delito contra a saúde pública por tráfico de drogas. O individuo, ao que lle constan antecedentes por estes mesmos feitos, foi arrestado preto dunha zona escolar.


Efectos intervidos a detido en Lugo por tráfico de drogas.


Segundo informou a Policía Nacional, por mor da investigación levada a cabo desarticulouse un punto de venda de drogas na cidade, concretamente na zona da Piringalla, "moi preto dos colexios".

Unha vez realizada a detención procedeuse ao rexistro do domicilio do detido, onde se lle interviñeron unhas 230 doses de haxix e marihuana, que estaban divididas nuns 200 gramos de haxix e 30 de marihuana; así como unha pistola eléctrica 'táser' e diversos útiles para o empaquetado e fraccionamento da droga, relatou a Policía Nacional.

Tamén se incautaron de 525 euros en efectivo, que estaban en billetes fraccionados, o que, sostén a Policía Nacional, "indica que son provenientes da venda de substancias estupefacientes", dos cales unha parte portábaa no peto da súa indumentaria no momento da detención.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress