Escolas de educación infantil gratis a partir do segundo fillo desde o 1 de abril en Galicia

O presidente da Xunta, Alberto Núñez Feijóo, ratificou este martes que as escolas infantís de Galicia entre 0 e 3 anos serán gratuítas a partir do segundo fillo desde o 1 de abril.

Fíxoo tras a visita ás instalacións, en Santiago, da escola infantil de Santa Susana, un edificio histórico que a Xunta remodelou cun investimento de 1,3 millóns. Na visita estivo acompañado da conselleira de Política Social, Fabiola García, e o alcalde de Santiago, o socialista Xosé Sánchez Bugallo, entre outras autoridades.

O presidente precisou que a gratuidade para partir do segundo fillo implantarase nas 173 escolas públicas da Xunta como nas 260 escolas infantís privadas e de iniciativa social, tanto nas que xa están concertadas a día de hoxe comjo enlas que non. Destas últimas, as que desexen voluntariamente adherirse a esta medida contarán co apoio económico do Goberno galego.

Esta iniciativa, "pioneira e sen precedentes" en toda España, beneficiará ás familias duns 12.600 nenos. Para levala a cabo, a Xunta investirá en 2020 máis de 14 millóns de euros.

GARDERÍAS DE TITULARIDADE MUNICIPAL

Ademais, a partir do próximo curso, o Goberno galego tamén achegará fondos para facilitar que as escolas infantís municipais poidan introducir a gratuidade para os segundos fillos e sucesivos.

Para acollerse a este beneficio, será preciso que o municipio en cuestión non teña débedas co Consorcio Galego de Serivizos de Igualdade e Benestar, en relación coa obrigación de cofinanciar as escolas infantís e centros de día.

No rural, o presidente lembrou que, desde 2016, as familias que viven en municipios de menos de 5.000 habitantes xa teñen acceso a un servizo "cento por cento gratuíto" con cásalas niño.

AMPLICACIÓN DE HORARIOS "SE HAI DEMANDA"

Na visita á gardería de Santa Susana, na que se educan máis de 60 nenos, Feijóo agradeceu o traballo e o compromiso das profesionais do centro, "un alicerce fundamental" na aposta de Galicia por unha educación infantil con vocación "de excelenecia".

Ao tempo, reivindicou o compromiso do seu Executivo coa conciliación. A modo de exemplo, indicou que a Xunta duplicou desde 2009 as prazas públicas ata chegar ás 25.000; e introduciu un servizo de proximidade nas zonas rurais coas 75 primeiras casas niño, que este ano se estenderán a todos os municipios máis pequenos.

Todo iso, ademais de "reforzar" prestacións como o 'Bono Concilia' para que as familias que non accedan a unha praza pública poidan escoller escola infantil.

Por último, lembrou que, no primeiro trimestre deste ano, a Xunta levará ao Parlamento autonómico a primeira Lei de impulso demográfico de España, que incluirá, entre outras iniciativas, medidas para dar "un novo impulso á conciliación".

Como exemplo, aludiu á "ampliación" dos horarios das escolas públicas infantís "se hai demanda".

MÁIS DEMANDA EN SANTIAGO

Bugallo, pola súa banda, recoñeceu o avance na cobertura de prazas de escola infantil en Santiago, pero engadiu que aínda resultan "insuficientes".

A modo de exemplo, puntualizou que hai demanda tanto no Parque empresarial do Tambre como na zona de Santa Marta.

Feijóo ha replicado que a cobertura de prazas públicas de escola infantil está en Santiago no 52 por cento, "20 puntos máis do que propón a UE, 1.402 prazas". "Xa nos gustaría que no conxunto de España tivésemos coberturas de máis do 50 por cento", resolveu.