O Teléfono da Esperanza non deixará a ninguén só este Nadal

O Teléfono da Esperanza de Galicia --981 519200/717 003 717-- permanecerá "de garda" co seu servizo de orientación telefónica durante as festas do Nadal, para prestar asistencia a persoas en "situación de crise e soidade" que o necesiten.

As persoas maiores son as máis vulnerables nestas datas 

A través dun comunicado, os responsables deste servizo lembraron que estas festas "son momentos difíciles para as persoas que senten soas". "Durante estes días, este sentimento acrecéntase e a tristeza, falta de compañía e carencia de afecto asociadas ao mesmo vívense con máis intensidade nun ambiente social festivo e familiar que asolaga as rúas das nosas cidades. Moitas persoas vivirán estas próximas festas desde a soidade e a ansiedade de sentirse illadas socialmente e á marxe das celebracións", apuntan.

A soidade, inciden, é "un dos problemas máis relevantes na actualidade", que afecta aínda número crecente de persoas e cuxa incidencia se "dispara" no contexto das festas do Nadal.

Os responsables do Teléfono prestarán especial atención ás persoas maiores soas e a quen atravesa "un proceso de duelo", teniendo en cuenta que se estima que un 5% da poboación española está a atravesar nestes momentos un proceso de duelo por unha perda afectiva recente e que estas festas do Nadal serán as primeiras tras ese falecemento.

Para iso, o Teléfono da Esperanza de Galicia terá este Nadal dispoñible un grupo de voluntarios preparado para "atender, compartir e acompañar a quen o necesite", lembran.