O Concello A Coruña intervén a planta de lixos de Nostián ante a folga

Dá un prazo de tres días á concesionaria para que atenda aos requirimentos municipais

|

Rey explica que busca así garantir a viabilidade da planta, todos os postos de traballo e a "xestión dun servizo básico". Dálle tres días á concesionaria para que rectifique.


A alcaldesa da Coruña, Inés Rey, anunciou a decisión de intervir temporalmente a concesión da xestión do tratamento de residuos da planta de tratamento de lixos de Nostián para garantir os postos de traballo e a xestión deste servizo. Con todo, dá un prazo de tres días á concesionaria, Albada, para que cumpra o acordo sobre a recollida do lixo.


A alcaldesa, Inés Rey, e os concelleiros Esther Fontán e José Manuel Lage, en rolda de prensa sobre a planta de Nostián


Tras a decisión adoptada este martes na Xunta de Goberno Local, a rexedora informou que este acordo pretende evitar "as tres crises ás que non podía abocar a situación xerada".

CRE QUE A PLANTA CORRE PERIGO DE PECHAR
Entre elas, citou unha crise ambiental, polos problemas na recollida do lixo "en datas sensibles como o Nadal"; o económico, ao considerar que está en perigo a "viabilidade" da planta" e laboral, polos 39 traballadores afectados polo expediente de regulación de emprego temporal (ERTE) comunicado pola empresa.

Rey explicou que a decisión obedece á decisión da empresa concesionaria, Albada, de modificar sen autorización municipal as condicións de prestación do servizo, ao negarse a recoller o lixo dos concellos da área coruñesa a partir do un de xaneiro. Tras esta decisión, anunciou un ERTE para 39 traballadores.

PRÓRROGA DE TRES DÍAS A ALBADA PARA QUE O PENSE
Segundo o informe dos servizos xurídicos municipais, este incumprimento por parte de Albada "compromete seriamente" a viabilidade da planta, ao afectar o interese público. Tamén apuntan que a intervención temporal da planta está motivada por incorrer Albada nunha "infracción grave ao poñer en perigo a boa prestación do servizo".

Así, será o concello quen asuma a dirección da planta e o servizo que se presta. Con todo, o acordo da Xunta de Goberno concede á concesionaria, previamente a adoptarse o acordo de intervir temporalmente a planta, un prazo de tres días hábiles para que se cese na súa decisión de non cumprir o convenio e para que deixe sen efecto o ERTE.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE