O SERGAS terá máis difícil cubrir prazas precarias: os médicos de familia de Vigo non formarán novos MIR
Entre elas, "non recibe MIR de primeiro ano no ano 2020", aínda que si "seguir coa docencia dos MIR actuais".Potencialmente, é un golpe moi duro para o SERGAS. A Sanidade Pública leva anos tendo moitos problemas para cubrir baixas e substituciones en Atención Primaria, en parte polo precario dos contratos que ofrece.
O conflito en Atención Primaria do SERGAS segue moi candente, polo menos en Vigo. A asemblea de galenos deste servizo nesta urbe aprobou "propoñer a celebración dunha manifestación na cidade de Vigo de ámbito autonómico".
Concentración de médicos nun centro de saúde vigués durante a folga
Está por ver se os grandes sindicatos súmanse á manifestación, cuxo lema proposto é “Pola dignidade da atención primaria e o apoio social á sanidade pública”. Hai que ter en conta que varias plataformas tamén manexaban mobilizacións ao fío do polémico peche do paritorio de Verín.
A Asemblea de Médicos de Atención Primaria de Vigo votou o luns por unanimidade outras medidas. Entre elas, "non recibe MIR de primeiro ano no ano 2020", aínda que si "seguir coa docencia dos MIR actuais".
Potencialmente, é un golpe moi duro para o SERGAS. A Sanidade Pública leva anos tendo moitos problemas para cubrir baixas e substituciones en Atención Primaria, en parte polo precario dos contratos que ofrece. Se os novos MIR non poden completar a súa especialización como médicos de familia, a escaseza de novos galenos dispostos a contratos temporais aumentará, sobre todo se noutras áreas sanitarias seguen o exemplo vigués.
A Asemblea tamén votou por unanimidade "instar os médicos de atención primaria a non realizar ningunha prolongación tras a súa esgotadora xornada laboral obrigatoria". Un dos motivos da pasada folga nos centros de saúde é que moitos galenos arrastran días con 60 pacientes para atender. A folga tivo un seguimento desigual en Galicia -o SERGAS falou dun 12%- pero unha gran incidencia nalgunhas áreas sanitarias como Vigo.
Escribe o teu comentario