​O Estadio Vero Boquete vivirá unha noite de Copa co Bergantiños - Sevilla

O coliseo compostelán parece que será o encargado de acoller o duelo entre o Bergantiños e o Sevilla FC correspondente á próxima rolda de Copa do Rey.

Fachada do Vero Boquete de San Lázaro

Un equipo que brega cada fin de semana no barro de Terceira División ten ante si a oportunidade, nunha noite máxica, de converterse no centro de atención a nivel nacional. Mesmo podería protagonizar unha de tantas azañas históricas e converterse nun matagigantes e eliminar a un todopoderoso equipo de Primeira División. Esa é a historia do Bergantiños, que por merecemento enfrontarase ao Sevilla na próxima rolda de Copa do Rey, pero que a Real Federación Española de Fútbol parece privarlle...polo menos de vivila no seu estadio.

Porque aínda que o club carballés ha pelexado contra vento e marea para que o duelo copeiro xóguese no seu feudo, As Eiroas non reúne as condicións para que se poida garantir a seguridade dos afeccionados nin para o despregamento informativo para o partido, que será o retransmitido a nivel nacional. Eses son os argumentos da RFEF para non autorizar que se dispute na cancha de Carballo o partido máis importante da historia do Bergantiños.

Ante isto, e despois de batallar por atopar un recinto que sexa consonante coa importancia do momento, a opción máis factible parece ser a do Estadio Vero Boquete de San Lázaro. Levar o partido a Santiago de Compostela, a unha hora da localidade bergantiñá, parece a solución menos traumática para os afeccionados locais, en contrapartida coa proposta de disputar o partido no Sánchez Pizjuán, xa que privaría aos incondicionais do Bergantiños de ver o duelo do seu equipo ante un Primeira. Nese sentido, o día -un mércores- e a hora -ás 18h- parecen ser o principal impedimento para que os afeccionados poidan gozar do seu equipo, e non tanto o desprazamento.

GUERRA CONTRA O DÉPOR

O Bergantiños aproveitou para dar as grazas ao Racing de Ferrol e ao Atlético Arteixo por ofrecerlles as súas instalacións para a disputa do choque e a todos os afeccionados tanto do seu club como doutros equipos polo apoio mostrado ante esta situción. Todo o contrario ao que sucedeu co Deportivo da Coruña, ao que o Bergantiños solicitou o seu permiso para xogar en Riazor, unha petición que desestimou o club branquiazul alegando "motivos técnicos" relacionados co coidado do céspede e que espertou as iras do conxunto de Carballo.

Ou día que ou Bergantiños renunciou ao 10 por cento do traspaso de Angeliño ao City (que nos correspondía por dereitos de formación do xogador) tamén chovía: ao Dépor, en concurso de acredores, deixámoslle un paraugas. pic.twitter.com/IiobPegEuR

— BERGANTIÑOS-E.F. LUÍS CALVO SANZ (@BerganFC) December 1, 2019

"O apoio do bergantiñismo (club, socios e carballeses) ao Dépor foi sempre incondicional. En todas as circunstancias", manifestou o cadro rojillo. " O día que o Bergantiños renunciou ao 10 por cento do traspaso de Angeliño ao City (que nos correspondía por dereitos de formación do xogador) tamén chovía: ao Dépor, en concurso de  acredores, deixámoslle un paraugas", ejemplificó o equipo bergantiñán, que ás portas do día máis importante da súa vida aínda non sabe nin onde poderá xogar. Sexa onde sexa, seguro que conta co apoio de todo Carballo.