O bispo de Ourense aparta a un cura acusado xudicialmente de abuso sexual

|

A Iglesia oculta a identidade do presunto abusador enarborando a intimidade da vítima e a presunción de inocencia do acusado


O Bispado de Ourense decidiu apartar a un sacerdote da diocese acusado xudicialmente dun presunto delito de abuso sexual, segundo informa este venres a propia entidade eclesiástica nun comunicado.


Leandro Lamas, bispo de Ourense nunha imaxe de Conferencia Episcopal

Leandro Lamas, bispo de Ourense nunha imaxe de Conferencia Episcopal


A diocese recoñece recibir a noticia dun presbítero con cargo pastoral contra o que existe un procedemento xudicial aberto "en relación a un presunto delito de abuso sexual".


NON SE IDENTIFICA AO ACUSADO

Por iso, decidiu apartar ao párroco --sobre o que non achega máis detalles-- do exercicio público do ministerio sacerdotal "mentres o procedemento segue en curso".

"Por respecto ao procedemento de investigación en curso, á intimidade da posible vítima e á presunción de inocencia do sacerdote investigado, a Diocese de Ourense non realizará ningunha manifestación adicional a este comunicado ata que finalice o procedemento xudicial", sinala a entidade eclesiástica.

Así mesmo, tras expresar o seu respecto ao dereito constitucional á presunción de inocencia, a diocese lamenta o posible dano causado á vítima e ponse á súa disposición e á da xustiza para esclarecer este asunto.

"Manifestamos a nosa firme condena e repulsa de calquera tipo de comportamento que atente contra a integridade física e moral dos menores e das persoas vulnerables, promovendo a tolerancia cero con este tipo de actuacións", engade o bispado que encabeza Leonardo Lemos Montanet.

Trátase do segundo párroco apartado na diocese ourensá no que vai de ano por acusacións de abuso sexual.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE