O temporal corta a autovía en Marín e obriga a pechar parques e xardíns

|

Refachos de máis de 116 quilómetros por hora empezan a provocar incidencias por todo o país


Os fortes ventos rexistrados en Galicia na xornada deste martes xa superaron os 136 quilómetros por hora en Punta do Galo, no municipio lucense de Vieiro.


VENTO DE MÁIS DE 116 QUILÓMETROS HORA

Ademais, a estación de Xesteiras, en Cuntis (Pontevedra) rexistrou á primeira hora dos tarde refachos de 116,9 quilómetros por hora; uns valores moi similares aos que se marcaron na Pontenova (Lugo), onde o vento chegou aos 116 quilómetros por hora.


Para este martes, a Xunta activou o aviso laranxa por ventos e temporal costeiro en Galicia. En concreto, desde as 14,00 horas espéranse ventos do suroeste que poden alcanzar os 100 quilómetros por hora e que afectarán o interior da Coruña, Pontevedra e Lugo, e tamén na Mariña e nas zonas de montaña da provincia lucense.



SANTIAGO PECHA ZONAS VERDES

Esta alerta motivou que varios concellos decretasen o peche dos seus parques e pavillóns. Este é o caso do Consistorio de Santiago que pechou todos os espazos verdes, así como as actividades dos campos de fútbol municipais e das pistas de atletismo do Estadio Verónica Boquete de San Lázaro.

A mesma medida foi adoptada polo Concello de Lugo que informou do peche de todos os parques da cidade, entre eles os de Rosalía de Castro e Frigsa.

CORTE DE CIRCULACIÓN EN MARÍN
Pola súa banda, o episodio meteorolóxico adverso costeiro de nivel laranxa no noroeste, o oeste e suroeste da costa da Coruña e Lugo empezou sobre as 15,00 horas.


Corte de tru00e1fico pola pleamar e o temporal en Maru00edn nunha foto da Garda Civil

Corte de tráfico pola pleamar e o temporal en Marín nunha foto da Garda Civil


Precisamente, a Garda Civil ha informado de que, debido á pleamar, mantense cortada a circulación na autovía de Marin, deas o Quilómetro 1,300 ao 3,500, sentido Marin.

Por iso, unha patrulla de Tráfico da Garda Civil de Pontevedra efectúa desvíos alternativos pola PO-546. Sobre as 16.30 quedaba aberto o tráfico a camións.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress