A Deputación da Coruña concede ao artista Mauro Trastoy o Premio Díaz Pardo
O artista Mauro Trastoy (Ferrol, 1971), coa súa obra titulada '7', gañou o XVI certame Isaac Díaz Pardo de artes plásticas da Deputación da Coruña, segundo informa o organismo provincial.
Un xurado composto por Silvia García González, Alberto González-Alegre, David Varro, Almudena Fernández e Manuel Eirís --gañador da edición anterior-- escolleu por unanimidade a obra do artista Mauro Trastoy de entre as 20 finalistas que foran seleccionadas do total das presentadas nesta convocatoria.
Da obra, valorou a calidade da obra presentada "e o resultado de unha singular investigación e experimentación con técnicas relacionadas coa trama e a urda e o quefacer artesanal para facer unha pintura sen pintura".
O artista recibirá agora un premio de 6.500 euros e a súa obra participará xunto coas finalistas na exposición itinerante organizada pola Deputación da Coruña que visitará dez concellos da provincia.
Escribe o teu comentario