(Vídeos) Cargas, con tres policías feridos, ao fío do mitin de Abascal (Vox) en Vigo

Hai polo menos un detido entre os acusados de atacar á UIP da Policía Nacional. Abascal, que logrou encher o Auditorio do Mar, di que son "a partida da porra e a carapucha de Pedro Sánchez"

Cidadáns foxen das cargas en Vigo

Axentes da Policía Nacional da Comisaría de Vigo detiveron a un home como presunto autor dun delito de atentado contra a autoridade, tras ser identificado por lanzar pedras contra os axentes durante unha concentración na zona de Beiramar, durante a celebración dun mitin de Santiago Abascal na cidade olívica. No marco destes incidentes, resultaron feridos leves tres policías.

O que parecía unha mobilización tranquila de #Antifascista contra @vox_é en #Vigo, acabou con desordenes públicos polo lanzamento de lastras e baldosas contra @policia e vehículos policiais

3 @FuerzasDelOrden lesionados e vehículos danados#ReclasificacionGrupoB pic.twitter.com/iCoX0nLfjZ

— Sup Galicia (@supgalicia) October 25, 2019

Segundo confirmaron fontes policiais, os feitos tiveron lugar a última hora da tarde deste xoves, cando un grupo de varias decenas de persoas concentrouse nas inmediacións do Auditorio Mar de Vigo, escenario do mitin de Vox, coreando consignas como "Fóra fascistas da nosa terra", "Vigo será a tumba do fascismo" ou "Vós, fascistas, sodes os terroristas".

Cando a gran maioría de asistentes ao acto xa estaban dentro do auditorio, un grupo de persoas colocou contedores no medio da rúa, aínda que non diante do Auditorio, e prendéronlles lume, o que fixo necesaria a intervención de bombeiros. A continuación, segundo relataron fontes policiais, as persoas concentradas dirixíronse á Avenida de Beiramar, ocupando a calzada e cortando o tráfico en ambos os sentidos.

Un centenar de manifestantes autollamados #antifascista tentan rebentar o mitin de @Santi_ABASCAL @vox_é no Auditorio do Mar de #Vigo

A esta hora un detido e dous @policia feridos #UIP #UPR#ReclasificacionGrupoB pic.twitter.com/p6IC9lyvxF

— Sup Galicia (@supgalicia) October 24, 2019

Nese momento, os axentes despregados na zona "avanzaron para dispersalos" e produciuse, por parte dos concentrados, lanzamento "de todo tipo de obxectos", entre eles, pedras e un valo. Eses obxectos provocaron feridas leves a tres policías.

ALERTA: Represión a antifascistas cando voltaban a casa despois dá protesta contra a presenza de Vox en Vigo!! pic.twitter.com/OFpfRF1Zg6

— Contracorrentegaliza (@Contracorrenteg) October 24, 2019

Unha vez dispersada a concentración, e cando efectivos policiais realizaban unha inspección polas rúas contiguas para comprobar que non se producirían máis incidentes, os axentes localizaron na rúa Torrecedeira a un home, ao que identificaron sen ningunha dúbida como a persoa que empezara a lanzar obxectos contra o dispositivo policial.

Por estes feitos, este home, de 40 anos de idade e veciño de Vigo, foi detido e trasladado a Comisaría, onde se comprobou que ten antecedentes policiais. Está previsto que sexa posto a disposición xudicial na mañá deste venres.

VOX FALA DE RADICAIS "ANTIESPAÑOIS"
O propio Santiago Abascal, durante a súa intervención no mitin de Vigo, referiuse ás persoas concentradas fóra do Auditorio como "extremistas antiespañoles", aos que equiparou cos CDR de Cataluña e explicou aos asistentes ao acto que a Policía tivera que "cargar" contra eles porque pretendían "atentar contra a liberdade" de quen acudira ao mitin.

De feito, Vox difundiu un comunicado tras o acto, no que denunciaba que "200 radicais trataron de impedir" a celebración do mitin, e censuraba a "inacción" da Xunta Electoral e da Delegación do Goberno.

Abascal, durante a súa intervención referiuse a esas persoas como "a partida da porra e a carapucha de Pedro Sánchez", e anunciou que o seu partido iniciará "accións xudiciais" contra "quen permite que estes manifestantes estean na porta dos actos de Vox".

ÉXITO DE CONVOCATORIA DE ABASCAL

O partido nacionalista español, que nas pasadas eleccións non logrou ningún escano en Galicia, logrou encher por completo o Auditorio do Mar de Vigo, un dos maiores da urbe, con importantes colas para entrar antes do acto.

Falta máis dunha hora para que empezo o acto de Vox en Vigo con Santiago Abascal e xa hai unha longa cola para entrar. pic.twitter.com/Atqy8NzzTH

— Elentir 🇪🇸 (@elentirvigo) October 24, 2019

⚫ VOX agora mesmo en #VIGO pic.twitter.com/3ZvxX2akTK

— REVOL 🇪🇸 (@revol_é) October 24, 2019