​O antidisturbios galego ferido atópase na UCI "grave" aínda que “fóra de perigo”

|

Galiciapress tivo acceso a información sobre o estado de saúde do policía nacional agredido onte en Barcelona, que presenta un “traumatismo craneo-encefálico” ademais dunha “lesión na vértebra”. Actualmente atópase hospitalizado na UCI, aínda que desde o SUP apuntan que se atopa “fóra de perigo”.


IMG 20191018 215658

Antidisturbios atendido


Desde o Sindicato Unificado de Policía advirten que o antidisturbios vigués agredido está a ser atendido e que ao longo da mañá ingresou na Unidade de Coidados Intensivos “por precaución” despois de sufrir “complicacións respiratorias”.


WhatsApp Image 2019 10 19 at 11.25.48


Proxectís lanzados aos antidisturbios


O seu estado é grave, pero estable e con prognóstico favorable”, afirman desde o organismo sindical, que tamén dican que se atopa “consciente, orientado e coa súa capacidade volitiva intacta”. “Move sen problema as extremidades”, apostila o comunicado do SUP.


MÁIS LESIONADOS

Un segundo policía nacional destinado na Coruña e membro da UIP herculina tamén tivo que ser atendido, aínda que as súas lesións son de menor gravidade en comparación co axente vigués. Neste caso, trátase dunha “fractura no cúbito e no radio dun dos seus brazos” e desde o sindicato advirten que tamén “se atopa ingresado”.


REUNIÓN

Desde o SUP pedimos unha reunión urxente co Ministerio do Interior. Os compañeiros desprazados trasládannos o descontento por non deixarlles avanzar antes, limpando a zona e evitando así aguantar impactos de todo tipo durante máis de tres horas”, denuncia o sindicato en unha reclamación similar á feita pola Xunta






Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress