Jácome xustifica quitar protección a 31 vítimas de violencia machista e culpa á súa propia Policía
Democracia Ourensá anuncia que "o alcalde vai reformularse" a decisión de abandonar o Sistema de Seguimento Integral nos casos de Violencia de Xénero (Sistema VioGén) . Esta iniciativa protexe ás víctmas de violencia de xénero. En Ourense 31 están resgardadas pola Policía Local. O alcalde Gonzalo Pérez Jácome anunciou onte que o Concello de Ourense deixa o programa, alegando falta de medios.
Democracia Ourensá anuncia que "o alcalde vai repensar" a decisión de abandonar o Sistema de Seguimento Integral nos casos de Violencia de Xénero (Sistema VioGén) Esta iniciativa protexe ás víctmas de violencia de xénero. En Ourense 31 están resgardadas pola Policía Local. O alcalde Gonzalo Pérez Jácome anunciou onte que o Concello de Ourense deixa o programa, alegando falta de medios.
A noticia causou estupor. Non só na oposición, tamén no PP, que mantén a Jácome no poder. O número 2 dos conservadores galegos animou hoxe a Jácome a "reconsiderar a súa posición". Alfonso Rueda, que como conselleiro da Presidencia dirixe a Policía Autonómica, di que a Xunta tamén sofre escaseza de axentes, pero que a loita contra a violencia machista debe ser unha prioridade.
Reunión onte da Xunta de Seguridade que preside Jácome
Jácome rectifica, pero a medias. En primeiro lugar, responsabiliza á súa propia Policía Local -coa que mantén un enfrontamento aberto- da decisión. A continuación, anuncia que volverá valorar a situación, o que implica que a decisión non a tomou a Policía Local se non el, como xefe da Xunta de Seguridade.
Nun post de Democracia Ourensá xustifícase ademais que "pretender protexer o que non podemos ou non fariamos ben, sería hipocrisía". Ademais, indícase que foi "a xefa da policìa local de Ourense, que se supón a maior experta no tema, recomendou deixar plenamente a policía nacional e policía autonòmica, a seguridade das vítimas de violencia de xénero".
PARA AS VÍTIMAS NON HAI DIÑEIRO, PARA LUCES DE NADAL SI
A oposición pasa á ofensiva. Cidadáns lembroulle hoxe que, mentres alega falta de medios para protexer a mulleres, dispara o orzamento das luces de Nadal. Ourense gastarase un 80% máis este ano na iluminación do Nadal, case 200.000 euros.
Desde o PSdeG, acúsanlle de "tentar disimular" mediante unha "serie de escaramuzas" o desastre da súa "descisión política". Rodríguez Villarino, líder local, xa anunciou que pedirá un pleno extraordinario. O líder autonómico, Gonzalo Caballero, instou a Alberto Nuñez Feijóo que faga rectificar ao seu socio ou lle retire o seu apoio.
👉📸Nas portas do Concello de #Ourense ou @PSdeGdeOurense reclámalle a #Jácome que recúe de xeito inmediato na súa decisión de abandonar a súa sorte as vítimas dá violencia machista
— PSdeG-PSOE de Ourense (@PSdeGdeOurense) October 16, 2019
Vos socialistas solicitamos un pleno extraordinario para debater e obrigar a #PP e #DO a rectificar pic.twitter.com/CMwgqjvVH9
"Imos ver se a técnica equivocouse", declarou esta mañá o líder localista para xustificar a súa decisión.
Escribe o teu comentario