Os inspectores de Policía xemelgos acusados do asasinato dun compañeiro chegan a xuízo

Una das presuntas tramas de corrupción policial máis importante da historia recente de España empeza o seu periplo xudicial, que se prevé longo e enrevesado.  

O Xulgado de Instrución número 1 de Ourense chamou a declarar como investigados aos inspectores xemelgos Roi e Bernardo D. L. polo roubo de seis armas na comisaría da Policía Nacional da cidade nos anos 2014 e 2015.

Este feito está relacionado coa morte en abril do 2016 de Celso B. A., un compañeiro e amigo policía, efectuada mediante unha das pistolas sutraídas e investigada de forma paralela polo Xulgado de Instrución 3, que mantén imputados aos dous irmáns.

ASUNTOS INTERNOS EXIME AOS XEMELGOS
Ambos xa declararon durante o pasado mes de xullo ante a Unidade de Asuntos Internos (UAI) da Policía Nacional, pero agora a Xustiza toma parte no asunto concreto do roubo armamentístico tras reabrir o caso.

A UAI eximiu na súa investigación aos xemelgos dun posible homicidio e determinou que Celso B. A. suicidouse supostamente tras roubar seis pistolas e revólveres dun búnker e enviar unha serie de anónimos a Asuntos Internos e aos medios de comunicación.

VERSIÓN DA POLICÍA XUDICIAL
Unha hipótese na que discrepa a Unidade de Delincuencia Especializada e Violenta (UDEV) da Policía Xudicial de Ourense, quen culpa aos tres implicados na subtracción e nos escritos sen autoría cos que se destapou esta trama á vez que sinala concretamente aos xemelgos como os autores do asasinato para evitar que fosen destapados polo seu amigo.

A acusación particular, exercida pola familia do falecido, solicita a prisión, do mesmo xeito que Fiscalía. A defensa dos inspectores prefire non pronunciarse respecto diso. Presumiblemente, os irmáns serán citados para finais deste mes no Xulgado de Instrución número de 1 de Ourense.