​Uxía Álvarez e Marco Veiga reinan no Open galego de Xunqueira de Espadañedo

|

Os corredores impuxéronse no campionato autonómico de descenso en mountain bike no circuíto ourensán, onde se viviu unha xornada perfecta tanto pola participación como polo público.


Mountain bike

Circuito de Xunqueira de Espadañedo \ Foto: DH Xunqueira de Espadañedo



O circuíto de Xunqueira de Espadañedo coroou aos bikers Uxía Álvarez e Marco Veiga, desde esta fin de semana as súas maxestades do descenso en mountain bike. Os dous corredores impuxéronse na súa respectiva categoría nunha xornada na que máis de 80 participantes pelexaron por alzarse co cetro autonómico.


O domingo o tempo permitiu un campionato limpo para os corredores, onde non se rexistraron grandes incidentes, e un clima perfecto para que todos os desprazados ao evento gozasen dunha xornada marcada pola velocidade e os saltos no considerado por moitos participantes como "o mellor circuíto de toda España". O de Xunqueiras é un recinto de máis de 2,5km e un desnivel de 500m, o que obriga aos corredores para dalo todo en cada tramo.


Na categoría feminina impúxose a moza corredora Uxía Álvarez, do Club Ciclista Coruxo, acompañada por Fany Cabarcos e Gemma Chapelala, que ocuparon o segundo e o terceiro caixón do podio respectivamente.


Pola súa banda, na categoría masculina volveu impoñerse Marco Veiga, que se coroou por diante de Marco Martínez e Manuel Pellón, grazas a un colosal tempo de 3min 38s.


Neste certame, sete corredores do Club Ciclista Maceda comandaron a representación local, aínda que ningún conseguiu o obxectivo de chegar aos podios e nalgúns casos quedaron ás portas do terceiro posto.


EXHIBICIÓN  DE SALTOS

Con todo, en Xunqueira de Espadañedo non houbo festa só o domingo. O sábado os asistentes ao evento puideron abrir boca xunto ao mosteiro coas cabriolas dos riders Dani Ferreira e Wilmer Pranto que, xunto a outros acróbatas, fixeron as delicias do público coas súas piruetas sobre dúas rodas.


WhatsApp Image 2019 10 08 at 10.38.55

Piruetas dos corredores o pasado sábado 


"Vistos os resultados desta segunda edición da carreira, a organización do Club Ciclista Maceda xa ten a mente posta na edición do ano próximo, na que tentará traer a Xunqueira de Espadañedo aos mellores corredoresdel país nunha proba de ámbito nacional", advirten desde a organización. A conta atrás para buscar novo campión acaba de empezar

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress