Os aranceis de Trump afectan o marisco, mexillóns, lacteos e viño galego

|

A lista completa de produtos que pagarán un arancel dentro de dúas semanas, que se pode descargar máis abaixo, inclúe polo menos tres produtos con importancia na economía primaria galega: algúns mariscos e produtos do mar, produtos derivados do leite e licores. Un sindicato agrario reclama á UE unha resposta contudente.


Estados Unidos anunciou este mércores 2 de outubro que a partir do 18 de outubro impoñerá aranceis punitivos aos produtos da Unión Europea, incluídos os avións, unha medida que se produce tras unha decisión favorable da Organización Mundial do Comercio (OMC).


Donald trump economia mundial



No caso de España, lvos sectores crave afectados son o oliveiral (de aceite e de mesa), o porcino (con produtos como o xamón), o viño, as froitas, os lácteos, incluíndo todo tipo de queixos, os zumes e o marisco.  Galicia é unha das maior produtora de España de marisco e lácteos, e unha zona de prestixio vitivinícola internacional, polo que os aranceis afectarían á economía do país. 


UPA, un dos maiores colectivos agrarios do país,  esixiu ao Goberno e a Bruxelas unha resposta "contundente" tras o anuncio do presidente de Estados Unidos, Donald Trump, de impoñer aranceis do 25% a produtos alimentarios importados desde a Unión Europea, sendo os países máis afectados España, Francia, Alemaña e Reino Unido.


O goberno de Estados Unidos ten a intención de impoñer aranceis adicionais do 10% aos avións dos países da Unión Europea e do 25% a "outros produtos", dixo un funcionario de Servizos de Representantes Comerciais de Estados Unidos. "Os agricultores e gandeiros españois volven ser as principais vítimas colaterais do conflito comercial que está a orquestrar o magnate Donald Trump", afirmou a organización agraria. 


España exportou a Estados Unidos en 2018 máis de 700 millóns de euros: 405 millóns en aceite de oliva e 300 millóns de viño. Estados Unidos é o cuarto comprador de viño español.


A Organización Mundial do Comercio (OMC) autorizou este mércores a Estados Unidos a impoñer aranceis de 7.500 millóns de dólares (case sete mil millóns de euros) aos produtos europeos, en represalia pola axuda da Unión Europea (UE) á aviación.


Tras esta decisión, a Comisión Europea manifestou o seu desexo de que Estados Unidos non impoña aranceis "contraproducentes" aos produtos europeos, garantindo así a súa resposta á situación. 


O que está en xogo é a disputa de case 15 anos entre a UE e Estados Unidos sobre o apoio público aos seus respectivos fabricantes aeronáuticos, Airbus (francés) e Boeing (EEUU).


Tariff Product List by CNBC.com on Scribd



Segue lendo máis sobre os novos aranceis de EEUU á UE en Pressdigital

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress