Folga en Primaria de Vigo dous días de novembro

En plena camapaña das eleccións xerais, moitos vigueses non serán atendidos cando vaian aos seus centros de saúde. Os convocantes denuncian que as medidas lanzadas pola Xunta hai meses fracasaron.

Médicos de Atención Primaria da área sanitaria de Vigo aprobaron por maioría ir á folga os días 7 e 8 de novembro para reclamar unha solución que dea resposta á sobrecarga asistencial e ás xubilacións masivas que terán lugar os próximos anos.

Unha pasada mobilización

Os profesionais tomaron esta decisión, que se trasladará a representantes das demais áreas sanitarias galegas o próximo 3 de outubro, durante unha asemblea celebrada este martes en Vigo. Mentres, rexeitouse levar a cabo unha folga indefinida.

Ademais, os facultativos aprobaron celebrar o próximo 26 de outubro unha manifestación en Santiago á que se convidará a participar a toda a cidadanía.

Así mesmo, acordaron realizar concentracións ante os distintos centros de saúde durante todos os xoves de outubro.

Ademais dos novos paros de novembro (que se celebrarán en plena campaña electoral para as eleccións xerais), os médicos acordaron realizar concentracións ante os diferentes centros de saúde da área viguesa todos os xoves do mes de outubro, e tamén prevén organizar unha manifestación na capital compostelá, para o próximo 26 de outubro, á que convidarán a participar a toda a cidadanía.

"FUTURO DESOLADOR"
Na asemblea deste martes, a médicos da área de Vigo advertiron de que as medidas adoptadas polo Sergas desde que iniciaron as súas protestas foron "insuficientes", que el novo contrato de continuidade foi "un fracaso", e que as prazas das Ofertas Públicas de Emprego son "ridículas" en relación ás necesidades de persoal, que cifran nuns 350 médicos para toda Galicia.

No caso de Vigo, advertiron de que, nos próximos 5 anos, o 45 por cento dos médicos de familia xubiláronse, así como o 35 por cento dos pediatras. "O futuro é desolador", sentenciaron, e denunciaron que, a pesar destas previsións, "non hai ningún plan, ningunha previsión, nin actitude proactiva para reter aos médicos novos".

MESES DE PROTESTAS
A situación da área sanitaria de Vigo e as denuncias dos médicos sobre a sobrecarga de traballo recruáronse nos últimos meses, e a dimisión de máis dunha vintena de xefes de servizo de centros de saúde vigueses, o pasado mes de decembro, supuxo un fito histórico.

Os sindicatos convocaran varias xornadas de folga en abril pasado, pero os paros foron suspendidos tras as negociacións co Sergas. Con todo, o colectivo de médicos de Atención Primaria de Vigo denunciou que foran "vendidos" e "enganados" e mantiveron as súas protestas (de feito, protagonizaron unha folga en maio).

Así as cousas, os esforzos do Sergas por reconducir a situación (ofrecendo, entre outras medidas, ese chamado 'contrato de continuidade' para dar estabilidade aos profesionais) non deron os froitos esperados por este colectivo, que tamén reclamou de forma insistente o cesamento do entón xerente da EOXI, Félix Rubial.

Finalmente, Sanidade trasladou este verán a Rubial ao Complexo Hospitalario Universitario de Ourense, e nomeou xerente en Vigo a Julio García Comesaña. Este cambio, inicialmente valorado polos facultativos, non colmou, con todo, as expectativas dos médicos de Atención Primaria.