Ponteceso recomenda non beber auga da traída tras un brote de gastroenterite con ducias de enfermos

Aínda se descoñece a orixe do brote de gastroenterite pero o alcalde recomenda non bebela por precaución. Hai polo menos 27 afectados, con vómitos e diarrea.

O Concello de Ponteceso (A Coruña) aconsella á poboación que "por precaución" abstéñase de beber auga da traída tras detectarse un brote de gastroenterite que afecta a 27 persoas na localidade de Corme.

Así o transmitiu "seguindo as indicacións do servizo de Sanidade Ambiental da Xunta", informou o Concello de Ponteceso. O goberno municipal, ante o brote, ordenou "de forma preventiva" a realización dunha "nova analítica e a publicación das anteriores".

"O Concello de Ponteceso traballa en coordinación co servizo de Sanidade Ambiental da Xunta para tratar de determinar a causa do episodio e, ante a posibilidade de que se trate dunha intoxicación por norvirus, aconséllase non consumir a auga da rede de abastecemento", avisa o Consistorio.

REPARTO DE AUGA EMBOTELLADA
Un operativo coordinador polo concelleiro de Seguridade, Faustino Santiago, e do que formaron parte varios membros da corporación, entre eles o alcalde, Xosé Lois García Carballido, encargouse da repartición de auga embotellada aos veciños" como medida preventiva.

Tras a repartición, o alcalde dirixiuse ao Punto de Atención Continuada (PAC), onde na xornada deste luns foron atendidas 30 persoas polo mesmo motivo e "houbo colas na sala de espera", apuntaron as mesmas fontes municipais.

SÓ HABÍA UN MÉDICO PARA ATENDER A CRISE SANITARIA

O rexedor púxose en contacto coa xerencia sanitaria da área para reclamar un segundo médico e "desde o Sergas confirmaron pouco antes das 20,00 horas que se reforzará o servizo mentres dure a crise", aseguraron.