Un home mata o seu irmán cun 'sacho' en Salceda de Caselas

Un home matou ao seu irmán ao golpealo cunha aixada no municipio pontevedrés de Salceda de Caselas, segundo informaron fontes próximas á investigación a Europa Press.

Os feitos ocorreron sobre as 20,30 horas do venres nunha leira da familia. O agresor, de 49 anos, chamou á Garda Civil para informar dos feitos ocorridos tras unha discusión.

Á chegada dos axentes, a vítima, de 51 anos, aínda estaba con vida. Aínda que foi trasladado en ambulancia faleceu no hospital debido á gravidade das feridas. O agresor atópase detido á espera de pasar a disposición xudicial.