​(VÍDEO) O Celta non pode contra un Madrid renacido

|

Os pupilos de Fran Escribá non tiveron o mellor das estreas en liga. Benzema, Kroos e Lucas Vázquez superaron ao cadro celeste, que maquillou o marcador cun tanto do mozo Iker Losada.



Primeiro tropezo ligueiro do Celta de Vigo. O conxunto galego non puido empezar con bo pé a competición doméstica e estrelouse ante un renacido Real Madrid, que volveu ofrecer a súa mellor versión despois dunha pretemporada convulsa. Os de Zidane despexaron todas as dúbidas xeradas nos amigables estivais cun 1-3 que permite aos brancos sumar os tres primeiros puntos do curso, paradoxalmente cun once no que non se viu nin unha soa cara nova.


O partido púxose de fronte para os da capital aos doce minutos, cando Benzema aproveitou un servizo desde a esquerda para superar a Rubén Blanco. A superioridade durou toda a primeira parte, ata que no engadido Brais Méndez puxo a igualada, pero o tanto do canteirán celtiña foi anulado desde a sala do VAR.


O segundo tempo tivo un guion inesperado coa expulsión de Modric por vermella directa no minuto 56 despois dunha temeraria entrada do croata. A pesar de todo, e cun menos, á hora de xogo Kroos mandou un obús á meta do Celta para poñer o 0-2. Lucas Vázques redondeou a conta no minuto 80 e Losada debutou con gol facendo o definitivo 1-3 sobre a bucina.


Segue lendo a noticia en  Catalunyapress.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress