A festa do Arde Lucus trasládase de data e celebrarase do 25 ao 28 de xuño

A concelleira de Cohesión do Concello de Lugo, Ana González Abelleira, anunciou este mércores, tras a xunta de goberno, que o próximo ano trasládase a celebración do Arde Lucus, festa de recreación do pasado romano e castrexo da cidade, do 25 ao 28 de xuño.

|

A concelleira de Cohesión do Concello de Lugo, Ana González Abelleira, anunciou este mércores, tras a xunta de goberno, que o próximo ano trasládase a celebración do Arde Lucus, festa de recreación do pasado romano e castrexo da cidade, do 25 ao 28 de xuño.


Arde lucus 2019


Así, indicou que arrincará o xoves 25 coa entrada de tropas pola ponte romana e concluirá, catro días despois, o domingo 28 de xuño á espera de que se complete o programa.

"Seguimos coa intención de seguir potenciando o carácter histórico, con ese obxectivo de optar a un recoñecemento internacional (Festa de Interese Internacional) e facémolo con toda a responsabilidade, o compromiso e dedicación que merece despois de 18 anos que levamos con esta festa e que esperemos que siga tendo o mesmo éxito", destacou.

Deste xeito, perseguirase que o Arde Lucus "sexa máis coñecido non só a nivel autonómico, senón nacional e tamén, que é o obxectivo final, a nivel internacional".

En canto ao cambio de datas, este ano celebrouse do 13 ao 16 de xuño, a concelleira xustificouno porque "depende do Corpus e este ano (por 2020) coincide no medio de xuño". "E falando con distintos organizadores do Arde Lucus consideramos que é preferible a última fin de semana de xuño", aclarou.

Por outra banda, o tenente de alcalde, o nacionalista Rubén Arroxo que exerce estes días como rexedor en funcións, informou de que na xunta de goberno "aprobouse a prorroga para a edición e distribución tanto do programa do San Froilán (festas patronais do 4 ao 12 de outubro) como da cartelería e así se van a editar 40.000 carteis e 55.000 programas".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE