Vigo quere cubrir a entrada da autoestrada AP-9 na cidade

|

O proxecto de PXOM de Vigo debería estar presentado este ano e inclúe unha actuación que pode revolucionar o aspecto da urbe


O novo Plan Xeral de Ordenación Municipal (PXOM) de Vigo exporá o cubrimiento de partes da autoestrada AP-9 na súa entrada á cidade, para salvar a "inmensa ferida" que representa este vial para a urbe.


O alcalde de Vigo, Abel Caballero, e varios concelleiros inauguran un tramo da Senda Verde, que discorre pola antiga vía do tren.

Así o avanzou o alcalde olívico, Abel Caballero, en declaracións aos medios, durante o acto de inauguración de un tramo da Senda Verde, que discorre paralela á autoestrada, na zona de Mestre Chané.

Abel Caballero explicou que o novo plan urbanístico da cidade, que se presentará "en 6 ó 7 meses", prevé "solucións" para permitir o paso entre as zonas de García Barbón e Travesía de Vigo, separadas pola AP-9, sen ter que recorrer a "pasos antediluvianos", como os que existen actualmente.

O rexedor non deu máis detalles acerca de como serán esas "solucións", aínda que confirmou que se tratará de "mecanismos que permitan resolver tramos con cubertas" sobre a autoestrada, e incidiu en que esa actuación será "unha das prioridades" do novo plan. "Para iso quero seguir sendo alcalde, para seguir resolvendo as feridas que nos deixaron na cidade", proclamou.

O alcalde fixo estas declaracións no acto de inauguración do primeiro tramo de Senda Verde que se pon en servizo. Trátase de algo menos de 500 metros de paseo, con zonas verdes e carril bici, que substitúen ás antigas vías do tren. Esta Senda discorrerá, no termo municipal de Vigo, entre Vía Norte e o límite co municipio de Redondela, e ten un investimento previsto de case 1,5 millóns de euros.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE