Tres meses de sanción para Leo Messi polas súas críticas na Copa América

|

A Confederación Suramericana de Fútbol (CONMEBOL) sancionou a Leo Messi con tres meses de suspensión e unha multa de 45.000 euros polas súas críticas e acusacións ao organismo durante a pasada Copa América.


Messi Copa Amu00e9rica



A web oficial da CONMEBOL publicou a sentenza da Xuíza Única Amarilis Belisario do Tribunal de Disciplina. "Suspender ao xogador Lionel Andrés Messi por tres meses contados a partir do día seguinte á notificación da presente decisión. En consecuencia, o xogador queda suspendido para disputar partidos oficiais e amigables coa súa selección nacional nese período de tempo", di o comunicado. 


POR CALENDARIO, TAN SÓ PERDERASE AMIGABLES


Ademais engade a sanción económica e lembra que "contra esta decisión cabe recurso ante a Cámara de Apelacións da CONMEBOL". Messi non se perderá partidos importantes de clasificación para o Mundial de Catar 2022 e si os amigables ata final de ano contra Chile, México e Alemaña. 


Messi non se mordeu a lingua durante a cita en Brasil a principios de xullo, cando compareceu cheo de titulares en dúas ocasións. A primeira, cando Arxentina caeu en semifinais contra a anfitrioa. "O árbitro favoreceulles, Brasil manexa moito na Conmebol", dixo na zona mixta. 


No partido polo terceiro e cuarto posto contra Chile, onde o '10' foi expulsado por unha serie de pechazos con Medel, Messi foi aínda máis tallante. "Nós non temos que ser parte desta corrupción. A Copa está armada para Brasil", dixo. "A verdade hai que dicila", engadiu entón ao ser preguntado por posibles sancións. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress