Estes son os 24 trens cancelados pola folga en Renfe este mércores

|

CGT  convocou catro xornada de paro en Renfe no próximo mes. A primeira delas afectará tanto a trens rexionais como a varias conexións coa Meseta e Portugal.


A folga convocada o vindeiro mércores en todo o Estado nos servizos de Renfe polo sindicato Confederación Xeral do Traballo causou a cancelación de 24 trens --seis de longa distancia e 18 de media distancia-- que transcorren por Galicia, entre eles, a conexión nocturna en tren-hotel con Madrid.


Renfeadiftrenesretrasos



Diso informa o sindicato convocante a través dun comunicado no que cualifican de "abusivos" os servizos mínimos decretados e avanzan que estudan a posibilidade de presentar unha demanda contra Renfe por vulneración do dereito de folga.


TRENS QUE NON PARTIRÁN

Así, un total de 24 trens foi cancelados en Galicia pola folga, que se desenvolverá en dúas quendas --de 12,00 a 16,00 horas e de 20,00 a 24,00 horas-- o mércores 31 de xullo, coincidindo coa saída e chegada das vacacións de verán.


Entre as liñas que foron canceladas figura a conexión en tren-hotel entre a Comunidade galega e Madrid, ademais da liña que une Vigo e a cidade portuguesa do Porto.


Así mesmo, Renfe decretou a suspensión dunha decena de liñas do Eixo Atlántico (entre A Coruña e Vigo) ao longo do 31 de xullo. Tampouco estarán en funcionamento as conexións entre Ferrol e A Coruña e Lugo e Ourense previstas para o mediodía do mércores.


Ademais, a folga tamén afectará a dous servizo do xoves 1 de agosto, en concreto, ao tren Monforte-Pontevedra programado para as 06,15 horas e o A Coruña-Ferrol das 08,57 horas.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress