Paco Vázquez carga contra Albert Rivera por non ofrecer ao PSOE "un goberno de coalición"

|

O exregidor herculino arremete contra Cidadáns e o seu líder por vetar un goberno “de sentido común” cos socialistas. “Dan os números suficientemente”, xustifica Vázquez, que no pasado coqueteó coa posibilidade de formar parte dalgunha das listas da formación laranxa en Galicia, unha relación que vén de 2014 pero que se fixo máis forte o pasado 2018 cando participou nun acto con Rivera.


Paco vazquez albert rivera

Paco Vázquez xunto a Albert Rivera


O exalcalde considera que a negativa de Cidadáns evita que se forme “un proxecto político que é común en Europa”. "Albert Rivera debería xa o primeiro día anunciar que estaba disposto a formar un goberno de coalición", declarou Vázquez entrevistado pola TVG.


Á súa vez, apunta a que non existe relación entre Sánchez e Rivera. "Sobre todo, penso eu, de Rivera cara a Sánchez, porque considera que foi enganado dous ou tres veces", declarou, mentres reafirma que Cidadáns tería que ofrecerse aos socialistas para que a responsabilidade “pasase ao PSOE e a Pedro Sánchez” para evitar pactos cos nacionalistas.

PACTOS CON INDEPENDENTISTAS

Doutra banda, valora a posibilidade de que se repitas as eleccións, algo que, segundo o seu criterio, indica que “o cidadán quixo que houbese coalicións”, algo que segundo el tamén desexa un sector do PSOE.


Do mesmo xeito, Vázquez insistiu que o reto é parar aos “nacionalismos”, mandando unha mensaxe crítica aos socialistas por pactar en Navarra, algo que para el “pódese cualificar como unha gran traizón”.


"O problema non é tanto pactar con Podemos, que iso é ao final é un problema de agarimo con Pablo Iglesias, e digo agarimo con toda a ironía do mundo porque non para de estar a demandar: 'Eu quero ser ministro'; o grave problema é que puidese haber un pacto cos grupos independentistas, os nacionalistas cataláns", sentenciou, fixando a sentenza do Procés como unha data para ter en conta.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress